استانا. 31 مامىر. قىتايدىڭ حۋنان پروۆينتسياسىندا الەمدەگى ەڭ ۇزىن شىنى كوپىردىڭ قۇرىلىسى اياقتالدى. بۇل تۋرالى rosbalt.ru سايتىنا سىلتەمە جاساعان egemen.kz ءتىلشىسى حابارلادى.
ۇزىندىعى 393 مەتر بولاتىن كوپىر ۇلتتىق چجانتسزياتسزە ساياباعىندا سالىندى. ول جەردەن 300 مەتر بيىكتىكتە ورنالاسقان. ەنى – 6 مەتر. مالىمەتتەر بويىنشا, وسى جىلدىڭ 1 مامىرىندا اشىلۋى كەرەك بولاتىن. الايدا, قۇرىلىس جۇمىسى سوزىلىپ كەتكەندىكتەن بۇل جوسپار ۋاقىتىندا جۇزەگە اسپادى. كەلۋشىلەر ءۇشىن ول شىلدە ايىندا اشىلادى دەپ كۇتىلۋدە. سەبەبى, بۇل ايماقتا قازىر نوسەر جاۋىن تولاسسىز جاۋىپ تۇر.
وسىعان دەيىن قۇرىلىسشىلار ونىڭ شىدامدىلىعىن تەكسەرۋ ءۇشىن 100 رەت سىناقتان وتكىزگەن. كوپىر 800 ادامنىڭ سالماعىن كوتەرە الادى. سونىمەن قاتار, اۋا تەمپەراتۋراسىنىڭ وزگەرىسىنە, جەل سوققان كەزدەگى ورنىقتىلىعىنا قوسىمشا تەستتەر جۇرگىزىلدى.
ايتا كەتەيىك, اتالعان جەردىڭ سۇلۋ تابيعاتىنىڭ ارقاسىندا تۋريستەردىڭ سانى جىل سايىن ارتۋدا. ال 2009 جىلى دجەيمس كەمەروننىڭ رەجيسسەرلىگىمەن تۇسىرىلگەن «اۆاتار» فيلمىندە ءدال وسى جەردىڭ تابيعاتى كورىنىس تابادى.
ايان ءابدۋالي.
دەرەك, فوتو: rosbalt.ru.
