استانا. 31 مامىر. قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى.
كەزدەسۋدە مەملەكەتتەر باسشىلارى كەڭ اۋقىمدى ماسەلەلەردى, اتاپ ايتقاندا, ەكىجاقتى ىنتىماقتاستىقتىڭ باسىمدىعى بار باعىتتارىن, سونداي-اق, ەۋرازيالىق ەكونوميكالىق وداق اياسىنداعى ءوزارا ءىس-قيمىلدىڭ جاي-كۇيىن تالقىلادى.
قازاقستان پرەزيدەنتى رەسەيدىڭ ەڭ جاقىن كورشىمىز, ەكونوميكالىق جانە ساياسي تۇرعىدان وداقتاسىمىز ءارى سەرىكتەسىمىز ەكەنىن, سولاي بولىپ قالا بەرەتىنىن اتاپ ءوتتى.
«ءبىزدىڭ بىرلەسە جۇرگىزگەن جۇمىستارىمىزدىڭ ارقاسىندا تمد ءومىر ءسۇرىپ كەلەدى, ەۋرازيالىق ەكونوميكالىق وداق قۇرىلدى. كۇردەلى حالىقارالىق جاعدايلارعا قاراماستان, ول بۇگىندە قىزمەتىن جالعاستىرۋدا. ماسكەۋدە وتكەن جەڭىس كۇنى مەرەكەسىنە شاقىرعانىڭىز ءۇشىن تاعى دا ريزاشىلىعىمدى بىلدىرەمىن. بيىل بىزدە ۇلكەن مەرەكە – تمد-نىڭ قۇرىلۋىنىڭ 25 جىلدىعى, سونداي-اق, ەاەو-عا مۇشە مەملەكەتتەر تاۋەلسىزدىگىنىڭ مەرەيتويلارى, رەسەي كۇنى. جالپى, ءبىزدىڭ الدىمىزدا شانحاي ىنتىماقتاستىق ۇيىمى, تمد مەملەكەتتەرى باسشىلارى كەڭەسى, قازاقستان مەن رەسەي وڭىرارالىق ىنتىماقتاستىق فورۋمى, سونداي-اق, پەتەربۋرگ حالىقارالىق ەكونوميكالىق فورۋمى اياسىندا تىعىز كەزدەسۋلەر كەستەسى تۇر. وسىنداي كەزدەسۋلەردىڭ كوپتىگى ءبىزدىڭ ەلدەرىمىز اراسىنداعى قارىم-قاتىناستىڭ ءوزارا سەنىمدى سيپاتتا ەكەنىن بىلدىرەدى. تالقىلاۋلار ارقىلى ءبىز كەز كەلگەن ماسەلەنى شەشىپ كەلەمىز, بۇل ىنتىماقتاستىعىمىزدى ودان ءارى دامىتۋعا سەپتىگىن تيگىزەدى», – دەدى مەملەكەت باسشىسى.
سونداي-اق, ۆلاديمير پۋتين 9 مامىردا ماسكەۋگە ساپارمەن كەلگەنى ءۇشىن نۇرسۇلتان نازارباەۆقا العىس ايتتى.
«ءبىز مۇنى ايرىقشا قارىم-قاتىناسىمىزدىڭ بەلگىسى دەپ باعالايمىز. قازاقستان – ءبىز ءۇشىن جاقىن سەرىكتەس جانە ەڭ سەنىمدى وداقتاس. ارامىزدا بەرىك ەكونوميكالىق قارىم-قاتىناس ورنىققان. بۇعان دەيىنگى جىلداردا قازاقستان ەكونوميكاسى جاقسى قارقىن الىپ, ونىڭ دامۋىنىڭ ىرگەلى نەگىزى قالاندى. وسىنىڭ بارلىعى قازىرگى قيىندىقتاردى ەڭسەرۋگە مۇمكىندىك بەرەدى. ەۋرازيالىق ەكونوميكالىق وداقتان ءبىز ەشقانداي «عاجايىپتار» كۇتپەيمىز, بىراق ينتەگراتسيالىق ءوزارا ءىس-قيمىل بىزگە قازىرگى قيىندىقتاردى جەڭۋگە كومەگىن تيگىزەدى», – دەدى رەسەي پرەزيدەنتى.
تالعات رايىمبەك.
دەرەك, فوتو: akorda.kz.
