بىرلىك پەن ەڭبەكتىڭ المايتىن اسۋى جوق

ارينە, ەل تاۋەلسىزدىگىنىڭ 25 جىلدىعى تاريح ءۇشىن قىسقا عانا مەرزىم بولعانىمەن, بۇل جىلدار قازاقستاندىقتار ءۇشىن ايتۋلى ۋاقىت بولدى. قازاقستاننىڭ جاڭا داۋىردەگى جارقىن جەڭىستەرىنىڭ ىرگەتاسى سانالاتىن, تاريحي سەرپىلىستەر كۇتىلگەن ەگەمەندىكتىڭ وسىناۋ جىلدارىندا ەلىمىز ىشكى-سىرتقى ساياساتتا, ەكونوميكادا, الەۋمەتتىك جاڭعىرتۋدا جانە قوعامنىڭ وزگە دە سالالارىندا تولايىم تابىستارعا جەتتى. ەلباسى ن.ءا.نازارباەۆ حالىقتىڭ ءومىر ءسۇرۋ دەڭگەيىن جاقسارتۋعا باعىتتالعان ءوزىنىڭ جىل سايىنعى جولداۋلارىندا قولجەتىمدى تۇرعىن ءۇي, ءبىلىم بەرۋ, دەنساۋلىق ساقتاۋ نىساندارىن, سونداي-اق, سپورت جانە الەۋمەتتىك-مادەني نىساندارىن سالۋدى, جول قۇرىلىسىنىڭ ماڭىزدىلىعىن اتاپ وتەدى. بۇل ەلىمىزدىڭ الەۋمەتتىك-ەكونوميكالىق جاڭعىرۋىن تەرەڭدەتىپ, دامۋىن ارتتىرا تۇسەتىن جاڭا ستراتەگيالىق باعىت, جاڭا مىندەتتەر جۇكتەيدى. وتكەن جىلى جامبىل وبلىسىندا 64 نىساننىڭ قۇرىلىسىن جۇرگىزۋگە 23,0 ملرد. تەڭگە ءبو­لىندى. ونىڭ ىشىندە ءبىلىم سالاسى بويىنشا 30 نىساننىڭ قۇرىلىسىنا بولىنگەن 7,1 ملرد. تەڭگە تولىعىمەن يگەرىلىپ, 20 نىسان پايدالانۋعا تاپسىرىلدى. دەنساۋلىق ساقتاۋ سالاسى بويىنشا 6 نىساننىڭ قۇرىلىسى جۇرگىزىلىپ, رەسپۋبليكالىق جانە جەرگىلىكتى بيۋدجەتتەر ەسەبىنەن بولىنگەن 7,8 ملرد. تەڭگە 100 پايىزعا يگەرىلىپ, 4 نىسان پاي­دالانۋعا بەرىلدى. وڭىردەگى قۇرىلىس قارقىنى بيىل دا تولاستامايدى. 2016 جىلى ءبىلىم بەرۋ جۇيەسىندەگى نىسانداردى دامىتۋعا 5972,9 ملن. تەڭگە, ونىڭ ىشىندە ۇلتتىق قوردان – 3298,2 ملن. تەڭگە, رەسپۋب­ليكالىق بيۋدجەتتەن – 652,1 ملن. تەڭگە, جەرگىلىكتى بيۋدجەتتەن  2022,7 ملن. تەڭگە (قوسىمشا قارجىلاندىرۋ) قاراستىرىلعان. 1 مامىرعا دەيىنگى ەسەپ بويىنشا 935,8 ملن. تەڭگە نەمەسە ەسەپتى كەزەڭنىڭ جوسپارىنا 92,5 پايىز يگەرىلدى. بيىلعى جىلى ۇلتتىق قور قاراجاتى ەسەبىنەن بايزاق اۋدانى, تۇيمەكەنت اۋىلىندا جانە تاراز قالاسىنىڭ قۇمشاعال ستانساسىندا ارقايسىسى 300 ورىندىق 2 ورتا مەكتەپتىڭ, قورداي اۋدانى ماسانچي اۋىلىندا, سارىسۋ اۋدانى جاڭاتاس قالاسىندا جانە تاراز قالاسىنىڭ «سالتانات» شاعىن اۋدانىندا ارقايسىسى 280 ورىندىق 3 بالاباقشانىڭ, بۇدان باسقا رەسپۋبليكالىق بيۋدجەتتەن – تاراز قالاسىندا 300 وقۋشىعا ارنالعان ورتا مەكتەپتىڭ جانە جەرگىلىكتى بيۋدجەتتەن – 3 ورتا مەكتەپتىڭ جانە 2 بالاباقشانىڭ قۇرىلىسىن اياقتاۋ جوسپارلانىپ وتىر. سونداي-اق, بيىل 2 ورتا مەكتەپتىڭ قۇرىلىسى (مەركى اۋدانى سارىمولداەۆ اۋىلىنداعى ت.قوجاكەەۆ كوشەسى №1 مەكەنجايىندا 600 وقۋشىعا جانە تاراز قالاسى «سالتانات» شاعىن اۋدانىندا 1000 وقۋشىعا ارنالعان №30 ورتا مەكتەپتەر) باستالادى. دەنساۋلىق ساقتاۋ سالاسىنا كەلەر بولساق, 2016 جىلى رەسپۋبليكالىق بيۋدجەت قاراجاتى ەسەبىنەن مەركى اۋىلىندا جانە قاراتاۋ قالاسىندا ارقايسىسى اۋىسىمىنا 250 كەلۋشىگە ارنالعان 2 ەمحانا نىسانىن سالۋ, جەرگىلىكتى بيۋدجەت قاراجاتى ەسەبىنەن 2 دارىگەرلىك امبۋلاتوريا (بايزاق اۋدانى بۋرىل اۋىلىندا اۋىسىمىنا 40 كەلۋشىگە جانە سارىسۋ اۋدانى جايىلما اۋىلىندا 20 كەلۋشىگە ارنالعان), تالاس اۋدانى س. شاكىروۆ اۋىلىندا 10 كەلۋشىگە ارنالعان فەلدشەرلىك-اكۋشەرلىك پۋنكت, مويىنقۇم اۋدانى قياق­تى ستانساسىندا 5 كەلۋشىگە ارنالعان مەديتسينالىق پۋنكت قۇرىلىسىن اياقتاۋ, شۋ قالالىق اۋرۋحاناسىنىڭ قازاندىعى مەن اس دايارلايتىن بلوگىن جانە 2 دارىگەرلىك امبۋلاتوريانى (ت. رىسقۇلوۆ اۋدانى لۋگوۆوي ستانساسىندا جانە قۇمارىق اۋىلىندا) گاز وتىنمەن قامتاماسىز ەتۋ قاراستىرىلعان. قاي ءوڭىردىڭ بولسىن دامۋىندا ونەركاسىپ سالاسىنىڭ ماڭىزى ەرەكشە. جالپى العاندا ۇستىمىزدەگى جىلدىڭ قاڭتار-ساۋىرىندە 106449,3 ملن. تەڭگەگە ونەركاسىپ ءونىم­­دەرى ءوندىرىلدى. كەن ءوندىرۋ ونەركاسىبى جانە كارەرلەردى قازۋدا ءوندىرىس كولەمدەرىنىڭ 12,3 پايىزعا, وڭدەۋ ونەركاسىبىندە  6,1 پايىزعا ءوسۋى بايقالادى. سونداي-اق, بيىل يدمب اياسىن­دا ينۆەس­تيتسيا كولەمى 15,4 ملرد. تەڭگەگە 380 جۇمىس ورنى اشىلاتىن 8 ينۆەستيتسيالىق جوبانى ىسكە اسىرۋ جوسپارلانۋدا. بۇگىندە وڭىردە شاعىن جانە ورتا كاسىپكەرلىك سالاسىندا جۇمىس ىستەيتىن سۋبەك­تىلەر سانى 67,4 مىڭ بىرلىكتى قۇرايدى. «بيزنەستىڭ جول كارتاسى-2020» باعدارلاماسىن ىسكە اسىرۋعا 2016 جىلى 2,3 ملرد. تەڭگە ءبولىندى. جالپى, ىسكە اسىرۋ باس­تالعاننان بەرى قولداۋدىڭ بارلىق قارجى قۇرالدارى ارقىلى جالپى سوماسى 56,3 ملرد. تەڭگەنى قۇرايتىن 578 جوبا ىسكە اسىرىلۋدا, ونىڭ ىشىندە «پايىزدىق ستاۆكانى سۋبسيديالاۋ» قۇرالى بويىنشا جالپى سوماسى 45,1 ملرد. تەڭگەنى قۇرايتىن 470 جوبا قولداۋ تاپتى. وبلىس كولىكتەرىمەن اعىمداعى جىلدىڭ قاڭتار-ءساۋىر ايلارى ارالىعىندا جولاۋشى تاسىمالداۋ كولەمى وتكەن جىلدىڭ 4 ايى­مەن سالىستىرعاندا 4 پايىزعا ارتتى. جامبىل وبلىسىندا 1 اۆتوۆوكزال, 8 اۆتوستانسا جانە 1 جولاۋشىلارعا قىزمەت كورسەتۋ پۋنكتى جۇمىس ىستەيدى. بۇگىنگى تاڭدا 23 تاسىمالداۋشى مەكەمە بارلىعى 161 مارشرۋتتا 1145 اۆتوبۋسپەن قىزمەت كورسەتىپ كەلەدى. جولاۋشىلارعا قىزمەت كورسەتۋ دەڭگەيىن كوتەرۋ جانە قاۋىپسىزدىگىن قامتاماسىز ەتۋ ماقساتىندا 2011-2015 جىلدار ارالىعىندا 551 دانا جاڭا اۆتوبۋس ساتىپ الىندى. بيىلعى جىلدىڭ وزىندە 22 جاڭا اۆتوبۋس اكەلىندى. وبلىسىمىزدا 373 ەلدى مەكەن بار, ولاردىڭ 335-ىنە اۆتوبۋس قاتىناسى ورناتىلىپ, ەلدى مەكەندەردىڭ كولىك قاتىناسىمەن قامتىلۋى 89,81 پايىزدى قۇراپ وتىر. جامبىل وبلىسىن دامى­تۋدىڭ 2016-2020 جىلدارعا ارنالعان باعدارلاماسىنا سايكەس, تۇرعىندار سانى 100 ادامنان اساتىن جول جاعدايى بار ەلدى مەكەندەردىڭ قوعامدىق كولىك قاتىناسىمەن قامتىلۋىن 100 پايىزعا جەتكىزۋ جوسپارلانعان. اتالعان 373 اۋىلدىڭ 10 ەلدى مەكەنىندە تۇرعىندار سانى 100 ادامنان اسپايدى. ياعني, 2020 جىلعا دەيىن ءبىز 363 ەلدى مەكەننىڭ كولىك قاتىناسىمەن تولىق قام­تىلۋىنا قول جەتكىزۋىمىز قاجەت. بۇگىنگى تاڭدا ەلىمىزدىڭ ازاماتتارىنا, ورالماندارعا جانە ەلىمىزدە تۇرۋعا ىقتيارحاتى بار ادامدارعا, ولاردىڭ م ۇلىكتى جاريا ەتۋىنە بايلانىستى جۇمىستار جالعاسىن تابۋدا. 2016 جىلدىڭ 25 مامىرىنا جامبىل وبلىسى بويىنشا قۇنى 33988,8 ملن. تەڭگەنى قۇرايتىن 7028 جىلجىمايتىن م ۇلىكتى جاريا ەتۋگە وتىنىشتەر قابىلداندى. ونىڭ ءىشىن­دە قۇجاتتارى تولىق بولماۋىنا بايلانىستى 291 ءوتىنىش قايتارىلسا, قۇنى 33284,6 ملن. تەڭگەنى قۇرايتىن 6594 جىلجىمايتىن م ۇلىك جاريا ەتىلدى, قالعان 143 ءوتىنىش قۇرىلعان كوميسسيالارمەن قارالۋ ۇستىندە. جاريا ەتىلگەن م ۇلىكتەردىڭ سانى بويىنشا تاراز قالاسى, بايزاق جانە مەركى اۋداندارى الدا كەلە جاتسا (سايكەستىك 1644, 984 جانە 817), بۇل كورسەتكىش بويىنشا سارىسۋ اۋدانىندا – 236, تالاس اۋدانىندا – 220, ال, مويىنقۇم اۋدانىندا بار بولعانى 38 م ۇلىك جاريا ەتىلگەن. جەكەشەلەندىرۋدىڭ 2016-2020 جىلدارعا ارنالعان كەشەندى جوس­پارىن ورىنداۋ ماقساتىندا جەكەشەلەندىرۋگە جانە باسەكەلەس ورتاعا بەرۋگە جاتاتىن 12 ۇيىم بويىن­شا شەشىم قابىلداندى. ونىڭ ىشىندە 3 ۇيىم 2016 جىلى, 1 ۇيىم 2017 جىلى, 3 ۇيىم 2018 جىلى جانە 5 ۇيىم 2020 جىلى باسەكەلەس ورتاعا بەرۋگە جاتادى. 2016 جىلى باسەكەلەس ورتاعا بەرۋگە جاتاتىن 3 ۇيىم بويىنشا ولاردى كەيىننەن ساتىپ الۋ قۇقىعىمەن سەنىمگەرلىك باسقارۋعا بەرۋ جونىندە شەشىمدەر قابىلداندى. قازىرگى ۋاقىتتا, جوعارىدا اتالعان 2016 جىلى سەنىمگەرلىك باسقارۋعا بەرىلەتىن ءۇش نىساننىڭ قۇنى باعالانىپ, ساتۋ الدىنداعى دايىندىق جۇمىستارى جۇرگىزىلۋدە. قازىر زامان اعىمىن تۇيسىنگەن, عىلىم مەن تەحنيكانىڭ پرو­گرەسىنەن كەش قالمايتىن حالىق قانا ءححى عاسىردا باسەكەلەستىككە توتەپ بەرە الادى. اعا بۋىن تاۋەلسىز ەلىمىزدىڭ تۇعىرىن بەكەمدەي تۇسسە, جاستار ءۇشىن تاۋەلسىزدىكتى ساقتاۋ, ەلگە قىزمەت ەتۋ دەگەن قاسيەتتى مىندەتتەر ءالى الدا تۇر. تاۋەلسىزدىكتىڭ شيرەك عاسىرلىق مەرەيتويىن قازاقستان الەۋەتتى, ايبارلى مەملەكەت رەتىندە قارسى العالى وتىر. وعان ءسىز بەن ءبىز كۋامىز. مۇنىڭ بارلىعى پرەزيدەنتىمىزدىڭ العا قويعان بيىك ماقساتتارىنىڭ, حالقىمىزدىڭ اۋىزبىرشىلىگى مەن ەڭبەكقورلىعىنىڭ ارقاسىندا قول جەتكىزگەن ورتاق تابىستارىمىز. بىرلىك پەن ەڭبەكتىڭ المايتىن اسۋى جوق. ەندەشە, العا قويىلعان ماقساتتىڭ جەمىستى ورىندالۋىنا جامبىلدىقتاردىڭ قوساتىن ۇلەسى زور دەپ بىلەمىن. بەكبولات ورىنبەكوۆ, جامبىل وبلىسى اكىمىنىڭ ءبىرىنشى ورىنباسارى تاراز