«ورلوۆ» شاحتاسىنداعى اپات

ءۇش قۇتقارۋشىنىڭ ءومىرىن قيدى  كەشە «KazMinerais» جاۋاپ­كەرشىلىگى شەكتەۋلى سەرىكتەستىگى «ۆوستوكتسۆەتمەت» وندىرىستىك بىرلەستىگىنە قاراستى «ورلوۆ» شاحتاسىندا اپاتتىق جاعداي ورىن الىپ, قۇتقارۋشىلار قازا تاپتى. بۇل تۋرالى مەملەكەتتىك «كاسىبي اسكەريلەندىرىلگەن قۇت­­قارۋ-اۆاريا قىزمەتى» مەن ينۆەستيتسيالار جانە دا­مۋ مي­نيس­ترلىگىنە قاراستى ين­دۋس­تريالدىق دامۋ جانە ءون­دىرىستىك قاۋىپسىزدىك كوميتەتى حابارلادى. ناقتى مالىمەتتەرگە سۇيەن­سەك, 3 ادام گازدان ۋلانعان. مۇ­نىڭ ەكەۋى – تاۋداعى قۇتقارۋ قىزمەتىنىڭ ماماندارى تالعات اسىلبەكوۆ پەن سەرىك اۋحاديەۆ, شاحتانىڭ شاڭنان تازالاۋ ءبولىمىنىڭ باسشىسى, ينجەنەر-تەحنيك احمەتوللا اسىلبەكوۆ. ءبىر وكىنىشتىسى اكەلى-بالالى اسىلبەكوۆتەردىڭ بىردەي ۋلانۋى بولىپ وتىر. قازىرگى تاڭدا ورىن العان وقيعاعا وراي, پروكۋراتۋرا مەن ىشكى ىستەر دەپارتامەنتىنىڭ قىزمەتكەرلەرى «Kaz Minerals» سەرىكتەستىگى مەن «ۆوستوك­تسۆەت­مەت» وندىرىستىك بىرلەس­تىگىندە تەكسەرۋ جۇمىستارىن باستادى. ايتا كەتەيىك, شاحتاداعى اپات كەزىندە 15 تاۋداعى قۇتقارۋ قىزمەتىنىڭ ماماندارى مەن 3 ارنايى تەحنيكا جۇمىلدىرىلدى. قۇتقارۋشىلار 2 ساعات بويى شاحتادا زالالسىزداندىرۋ جۇ­مىستارىن جۇرگىزدى. تالعات رايىمبەك, «ەگەمەن قازاقستان»