پارلامەنتشىلەرمەن كەزدەستى

پارلامەنت سەناتىنىڭ توراعاسى قاسىم-جومارت توقاەۆ «دىندەر تەرروريزمگە قارسى» حالىقارالىق كونفەرەنتسياعا كەلگەن دەلەگاتسيالارمەن ەكىجاقتى كەزدەسۋلەر وتكىزدى, دەپ حابارلادى سەناتتىڭ ءباسپاسوز قىزمەتى. اتاپ ايتقاندا, ق.توقاەۆ اۆستريا فەدەرالدىق پارلامەنتى ۇلتتىق كەڭەسىنىڭ دەپۋتاتى, ەقىۇ پارلامەنتتىك اسسامبلەياسىنىڭ ۆيتسە-پرەزيدەنتى كريستين مۋتتونەنمەن جانە ەقىۇ پا باس حاتشىسى روبەرتو مونتەللامەن, لاتۆيا رەسپۋبليكاسىنىڭ سەيمى توراعاسىنىڭ ورىنباسارى ينەسا ليبينيا-ەگنەرە مەن ۇلىبريتانيا جانە سولتۇستىك يرلانديا بىرىككەن كورولدىگى پارلامەنتى لوردتار پالاتاسىنىڭ مۇشەسى موحاممەد يلتاف شەيحپەن, شۆەتسيا كورولدىگى ريكسداگ دەپۋتاتى كەنت حارستەدتپەن اڭگىمەلەستى. شەتەلدىك مەيماندار 31 مامىرداعى «دىندەر تەرروريزمگە قارسى» كونفەرەنتسياسىنىڭ ماڭىزدىلىعىن اتاپ ءوتىپ, تەرروريزممەن جانە ەكسترەميزممەن كۇرەستەگى جاھاندىق تۇرعىداعى كۇش-جىگەرگە فورۋم لايىقتى ۇلەس قوساتىنىنا سەنىم ءبىلدىردى. پارلامەنتشىلەر مەن الەمدەگى ءدىني قايراتكەرلەردى ءبىر الاڭعا العاش رەت جيناعان كونفەرەنتسيانىڭ ەرەكشەلىگىنە ايرىقشا نازار اۋدارىلدى. ق.توقاەۆ جۇزدەسۋشىلەردى «100 ناقتى قادام» ۇلت جوسپارىن ىسكە اسىرۋ اياسىنداعى اۋ­قىمدى ينستيتۋتتىق رەفورمالاردى جۇزە­گە اسىرۋ تۋرالى حاباردار ەتىپ, فورۋمعا قاتىس­قانى ءۇشىن مەيماندارعا ريزاشىلىعىن ءبىلدىردى.