تۇسىنىستىك تامىرى تەرەڭدە

كەشە اقوردادا مەملەكەتتىك حاتشى گۇلشارا ابدىقالىقوۆا بىرىككەن اراب امىرلىكتەرى فەدەرالدىق ۇلتتىق كەڭەسىنىڭ ءتورايىمى ءامال ءال-كۋبەيسيمەن كەزدەستى. وندا تاراپتار ىنتىماقتاستىقتىڭ ءتۇرلى سالاسىندا تابىستى ىسكە اسىرىلىپ جاتقان بىرلەسكەن جوبالاردى تالقىلادى. ولاردىڭ قاتارىندا استانا قالا­سىنداعى «ابۋ دابي پلازا» كوپ­فۋنكتسيالى كەشەنىنىڭ قۇرىلىسى, تمد جانە قازاقستان اۋماعىندا العاش قىزمەتىن باس­تاعان «ءال-حيلال» يسلام بانكى, سونداي-اق, «فالاح» بىرلەسكەن ينۆەستيتسيالىق قورى بار. «ءسىزدىڭ بۇل ساپارىڭىز ءبىزدىڭ ەلدەرىمىزدىڭ ىنتىماقتاستىعى جوعارى دەڭگەيدە ەكەنىن تاعى ءبىر دالەلدەدى. نۇرسۇلتان نازارباەۆ پەن شەيح حاليفا بەن زايد ءال ناھايان اراسىنداعى تىعىز دوستىق قارىم-قاتىناستار قازاقستان مەن امىرلىكتەر بايلانىسىنىڭ بەرىك نەگىزىن قالادى. قازاقستان ءۇشىن بىرىككەن اراب امىرلىكتەرى – اراب الەمىندەگى جانە شىعاناقتاعى ماڭىزدى سەرىكتەس», – دەدى گ.ابدىقالىقوۆا. سونداي-اق, ول شتاب-پاتەرى استانادا ورنالاساتىن ازىق-ت ۇلىك قاۋىپسىزدىگى جونىندەگى يسلام ۇيىمىن قۇرۋ تۋرالى ءبىزدىڭ باستامامىزدى ءباا-ءنىڭ قولداعانى ءۇشىن العىس ءبىلدىردى. كەزدەسۋ بارىسىندا مەملە­كەت­تىك حاتشى قازاقستان پرەزيدەنتى نۇرسۇلتان نازارباەۆتىڭ يادرو­لىق قاۋىپسىزدىك جونىندەگى ۆا­شينگتون ءسامميتى بارىسىندا «الەم. XXI عاسىر» مانيفەسىن جاريالاپ, حالىقارالىق قوعام­­داس­تىقتىڭ كۇش-جىگەرىن جۇ­مىل­­دىرۋعا جانە الەمدى سوعىس قاۋپى­نەن ارىلتۋعا شاقىرعانىن اتاپ ءوتتى. بۇدان باسقا, مانيفەستىڭ بۇۇ باس اسسامبلەياسى مەن قاۋىپ­سىزدىك كەڭەسىنىڭ رەسمي قۇجاتى مارتەبەسىنە يە بولعانىن ايتىپ, ابۋ ءدابيدى ونداعى باس­تامالاردى ىسكە اسىرۋعا شاقىردى. سونىمەن قاتار, گ.ءابدى­قا­لىقوۆا مەملەكەت باسشىسىنىڭ 2017 جىلى استانا قالاسىندا يسلام ىنتىماقتاستىعى ۇيى­مىنىڭ عىلىم جانە تەحنولوگيا جونىندەگى ءسامميتىن وتكىزۋ تۋرالى باستاماسىنا ابۋ ءدابيدىڭ قولداۋ كورسەتەتىنىنە ءۇمىت ارتاتىنىن ايتتى. ودان بولەك, امىرلىكتەر تاراپىن استانا قالاسىندا وتەتىن ەكسپو-2017 حالىقارالىق مامانداندىرىلعان كورمەسىنە قاتىسۋعا شاقىردى. كەزدەسۋ سوڭىندا مەملەكەتتىك حاتشى ءباا فەدەرالدىق ۇلتتىق كەڭەسىنىڭ ءتورايىمى ءامال ءال-كۋبەيسيدى ال­داعى بارشا مۇسىلمان ءۇشىن قا­سيەتتى رامازان ايىمەن قۇتتىق­تاپ, وعان قازاقستان رەس­پۋبليكاسى مەن بىرىككەن اراب ءامىر­لىكتەرى اراسىنداعى ۇنقاتىسۋدى نىعاي­تۋعا قوسقان ۇلەسى ءۇشىن ريزا­شىلىق ءبىلدىردى. ءوز كەزەگىندە, باق وكىلدەرىنە بەرگەن سۇحباتىندا ءال-كۋبەيسي قازاقستانعا پارلامەنت سەنا­تى­نىڭ شاقىرۋىمەن كەلگەنىن ايتىپ, ساپار اياسىندا «ءدىن تەرروريزمگە قارسى» اتتى حالىق­ارالىق كونفەرەنتسياعا قاتىسا­تىن­دارىن جەتكىزدى. «ءبىز قازاقستاندى جەر بەتىن­دەگى دىنارالىق كەلىسىمنىڭ نى­عايۋىنا قوسقان ۇلەسى ءۇشىن ەرەكشە قۇرمەتتەيمىز. سونداي-اق, تولەرانتتىلىقتى ناسيحاتتاۋ جو­لىنداعى ءىس-ارەكەتتەرىڭىزدى ءاردايىم قولدايتىنىمىزدى جەتكىزگىم كەلەدى. مۇنىڭ بارلىعى قازاقستان پرەزيدەنتى نۇرسۇلتان نازارباەۆتىڭ ساليقالى ساياسا­تىنىڭ ارقاسىندا جۇزەگە اسىپ جاتقانى ءسوزسىز. وسى رەتتە, ءباا-ءنىڭ باسشىسى شەيح حاليفا بەن زايد ءال ناھاياننىڭ دا دىنارالىق ۇنقاتىسۋدىڭ دامۋىنا ەرەكشە ءمان بەرىپ وتىرعانىن اتاپ ءوت­كەن ءجون. ءبىزدىڭ وڭىردەگى قازىر­گى احۋالعا بايلانىستى بۇل ماسە­لەنىڭ قانشالىقتى ماڭىزدى ەكەنى تۇسىنىكتى», – دەدى ءباا فەدە­رال­دىق ۇلتتىق كەڭەسىنىڭ ءتورايىمى. ءال-كۋبەيسيدىڭ ايتۋىنشا, قازىرگى تاڭدا ەكى مەملەكەتتىڭ ديپ­لو­ماتيالىق بايلانىسى سترا­تەگيالىق دەڭگەيگە كوتەرىلگەن. ونىڭ سوزىنە قاراعاندا, وتكەن جىلى قازاقستان مەن ءباا ارا­سىنداعى تاۋار اينالىمى 150 ملن. اقش دوللارىن قۇراپ, پار­سى شىعاناعى ەلدەرى ىشىندەگى ەڭ جوعارى كورسەتكىشكە جەتكەن. ءسوز سوڭىندا قۇنى 1,2 ملرد. اقش دوللارى بولاتىن «ابۋ دابي پلازا» كوپفۋنكتسيالى كەشە­نى ەكى ەلدىڭ بىرلەسكەن ينۆەس­تي­تسيالىق جوباسى اياسىندا جۇزەگە اسىپ جاتقانىن ايتقان ءامال ءال-كۋ­بەيسي الداعى ۋاقىتتا دا قازاق­ستان مەن امىرلىكتەر اراسىنداعى قارىم-قاتىناس جوعارى قارقىندا جۇرگىزىلە بەرەتىنىنە سەنىم ءبىلدىردى. ەلامان قوڭىر, «ەگەمەن قازاقستان»