العاش رەت ۇسىنىلادى

ءتورتىنشى حالىقارالىق «KADEX-2016» قارۋ-جاراق پەن اسكەري-تەحنيكالىق م ۇلىك كور­مەسىنە ساناۋلى كۇندەر قالدى. بۇل كورمەدە قازاق­ستان­دىق قورعانىس وندىرۋشىلەرى وزدەرىنىڭ تىڭ جاڭا­لىق­تارىن كورسەتەدى. «ARMYTEX» قازاقستاندىق كومپانياسى ميگ-29, ميگ-31, سۋ-25 جانە سۋ-27, سۋ-29 ماڭدايشەپتىك اۆياتسيانىڭ ۇشاقتارىنا ارنالعان پاراشيۋتتىك-تەجەگىش جۇيەلەرىن ۇسىنادى. پاراشيۋتتىك-تەجەۋىش جۇيەسى كولىكتىك قۇرالداردى تەجەۋ جانە دوڭگەلەكتەردىڭ تەجەگىش جۇيەسىن جۇكتەن بوساتۋعا ارنالعان. جاساندى تومەندەتۋ ارقىلى تەجەۋ كەزىندە ءجۇرىستىڭ قاشىقتىعىن ازايتادى. كاسىپورىننىڭ وندىرىستىك قۋاتى جىلىنا 300-گە دەيىن پاراشيۋتتىك-تەجەگىش جۇيەلەرىن شىعارۋعا جەتەدى. وسىلايشا, قازاقستان قورعانىس مينيسترلىگىنىڭ مۇقتاجدىعىن تولىعىمەن وتەيدى جانە اتالمىش بۇيىمداردىڭ ەكسپورتتىق الەۋەتى قۇرىلادى. كومپانيا اتالعان ءونىمدى قازاقستان قارۋلى كۇشتەرىنىڭ مۇقتاجدىعى ءۇشىن شىعاراتىنىن جانە حالىقارالىق دەڭگەيگە شىعۋدى جوسپارلاپ وتىرعانىن ايتا كەتكەن ءجون. ال الداعى «KADEX-2016» كورمەسى وتاندىق كاسىپورىنداردىڭ مۇمكىندىكتەرى مەن دامۋ پەرسپەكتيۆاسىن كەڭەيتەدى. ودان باسقا, كورمە ەلىمىزگە ءىرى شەتەلدىك ازىرلەۋشىلەر مەن اسكەري جانە ارنايى ماقساتتاعى ءونىم وندىرۋشىلەرىن تارتۋعا سەپتىگىن تيگىزەدى. سوڭعى دەرەكتەرگە سايكەس بيىلعى جىلى 43 ەلدىڭ قورعانىس كومپانيالارى وزدەرىنىڭ جەتىستىكتەرىن كورمەدە پاش ەتەدى. «ەگەمەن-اقپارات»