ۇرپاق ۇمىتپايدى

حالىق قاھارمانى, ارميا گەنەرالى س.نۇرماعامبەتوۆكە ەسكەرتكىش ورناتىلدى اقمولا وبلىسىندا ەلىمىزدىڭ تۇڭعىش قورعانىس ءمينيسترى, كەڭەس وداعىنىڭ باتىرى, حالىق قاھار­مانى, ارميا گەنەرالى ساعادات نۇرماعامبەتوۆ ءمۇسىنىنىڭ سالتاناتتى اشىلۋ ءراسىمى ءوتتى. سالتاناتتى جيىندا ساعادات اعانىڭ قىزى ايسۇلۋ نۇر­ماعام­بەتوۆا كەيىنگى ۇرپاقتىڭ اكە­سىنە ەسكەرت­كىش ورناتىپ, قۇرمەت كور­سەت­­­­كەنىنە ريزاشىلىعىن ءبىلدىر­دى. – ءبىز اكەمىزدىڭ قۇرمەتىنە وراي ول كىسىنىڭ تۋىپ-وسكەن جەرىندە ەسكەرتكىش ورناتىلعانىنا العىس بىلدىرەمىز. بيىل ول 92 جاسقا تولار ەدى. اكەمىز ادامدارعا ۇدايى قامقورلىق پەن جومارتتىق تانىتاتىن. ول جالىندى پاتريوت, ءوزىنىڭ ۇستانىمدارىنا بەرىك, عۇمىرىن وتانعا قىزمەت ەتۋگە سارپ ەتكەن ادال كىسى بولاتىن, – دەدى ايسۇلۋ نۇرماعامبەتوۆا. ودان كەيىن قورعانىس مينيس­ترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باس­تىعى, گەنەرال-پولكوۆنيك ساكەن جاسۇزاقوۆ ءسوز سويلەپ, «حا­لىق قاھارمانىنىڭ» ەلىمىزدىڭ تاۋەلسىزدىگى ارايلاپ اتقان جىلى اسكەري ۆەدومستۆونى باسقارىپ, اسكەريلەرگە ۇلگى تۇتار ازامات بولعانىن اتاپ ءوتتى. «اتى اڭىزعا اينالعان گەنەرالدىڭ ومىرلىك جولى – بۇل كوپتەگەن اسكەري قىزمەتشىلەر ءۇشىن وتانعا شەكسىز ادال قىزمەت ەتۋ مەن ەرلىكتىڭ جارقىن ۇلگىسى. ءبىز بارلىعىمىز قارۋلى كۇشتەرىمىز قۇرىلعان سول كۇردەلى, قيىن-قىستاۋ كەزەڭدى جاقسى بىلەمىز. ول شىنىمەن ءوزىنىڭ تاع­دىرىن اسكەري قىزمەتپەن باي­لانىستىرعان ءاربىر ادام ءۇشىن ۇلگى بولدى», – دەدى ول. ەسكەرتكىشتىڭ اشىلۋ راسىمىنە قورعانىس مينيسترلىگىنىڭ باسشى­لارى, قارۋلى كۇشتەر قۇرلىق اسكەرلەرىنىڭ باس قولباس­شى­لارى, جەرگىلىكتى اكىمدىك, اسكەري قىزمەتشىلەر, «جاس ۇلان» رەسپۋب­ليكالىق مەكتەبىنىڭ تاربيەلە­نۋشىلەرى مەن ۇلى وتان سوعىسىنىڭ ارداگەرلەرى قاتىستى. داستان كەنجالين, «ەگەمەن قازاقستان» اقمولا وبلىسى