اسكەري دارىگەر

5 جاسار ءبۇلدىرشىندى ءولىم اۋزىنان الىپ قالدى قويناۋى كەڭ قورداي اۋدا­نىنىڭ جۇرتىنا وسىن­داعى وتار اۋىلى ماڭىنان ورىن تەپكەن اسكەري ءبولىم­شەلەردىڭ كومەگى وتە كوپ. بۇل ءبىر جاعى جۇمىس كوزى بولسا, ءبىر جاعى اسكەري بولىمشەلەردىڭ تەحنيكاسى دا, ماماندارى دا وسى توڭىرەكتەگى اۋىلدارعا جاردەمىن ءجيى تيگىزىپ تۇرا­دى. جاقىندا 63302-اسكەري ءبولىمىنىڭ دارىگەر­لەرى كلينيكالىق ءولىم اۋزىندا جاتقان قىز بالانى قۇتقارىپ قالدى. 5 جاستاعى الينا سۋ تولتىرىلعان تسيس­تەرناعا قۇ­لاپ, تۇنشىعىپ قالعان ەكەن. ونى تاۋىپ العاندار جاقىن ماڭدا ورنالاسقان ەمدەۋ مەكە­مەسىنە, وتارداعى 63302-اسكە­ري بولىمشەسىنىڭ جەكەلەگەن مەديتسينالىق جاساعىنا جەتكىزگەن. – قىز بالا كلينيكالىق ءولىم اۋزىندا جەتكىزىلدى. ونىڭ تەرى قاباتى سۇپ-سۇر, سۋىق بولدى. دەمالۋى مەن جۇرەك قاعىسى بولعان جوق. كوزىنىڭ قاراشىعى بارىنشا كەڭەيىپ كەتكەن. ونى بىردەن انەستەزيا جانە جان ساقتاۋ بولىمشەسىنە الىپ كەتتى, – دەيدى مەديتسينالىق ءبولىم باستىعى, پودپولكوۆنيك اباي رىسقۇلوۆ. قازىرگى ۋاقىتتا جاس قىز­دىڭ جاعدايى جاقسى. ەسىن جيدى, تۋىستارىن تاني باستادى. وزدىگىنەن تاماقتانادى, سۋ ىشە الادى. ءبۇلدىرشىندى ءولىم اۋزىنان الىپ قالعان مەديتسينالىق ءبولىم باستىعى اباي رىس­قۇلوۆ: «بۇل مەنىڭ جۇمى­سىم. ءبىز بالا, ەرەسەك, اسكە­ري قىزمەتشى نەمەسە ازامات­تىق ادام دەپ ءبولىپ-جارماي­مىز.  ءبىز ءۇشىن ءبىرىنشى كەزەكتە ولاردىڭ بارلىعى ەمدە­لۋشىلەر. بىزگە جول-كولىك اپاتىنان زارداپ شەككەندەردى ءجيى اكەلەدى. ويتكەنى, جانىمىزدا الماتى-قورداي تاس جولى ورنالاسقان. ونىڭ ۇستىنە بارلىق جاقىن ورنالاسقان اۋىل­داردىڭ تۇرعىندارى كومەككە جۇگىنەدى», دەيدى اعىنان جارىلىپ. ايتسە دە دارىگەردىڭ جان­كەشتى ەڭبەگى باسشىلىق تاراپىنان ەلەۋسىز قالمايدى دەگەن ويدامىز. ورالحان ءداۋىت, «ەگەمەن قازاقستان» جامبىل وبلىسى