اقتوبەدە اۋىل جاستارىنىڭ سلەتى ءوتتى

اقتوبە. 25 مامىر. اقتوبەدە "جاستار - اۋىل رەسۋرسى" ءى شەكارالىق اۋىل جاستارى سلەتى ءوتتى. بۇل تۋرالى egemen.kz ءتىلشىسى حابارلادى. وعان ەلىمىزدىڭ ىرگەلەس جاتقان اقتوبە, اتىراۋ, باتىس قازاقستان, قوستاناي, قىزىلوردا, ماڭعىستاۋ وبلىستارىنان, رەسەي فەدەراتسياسىنىڭ باشقۇرتستان رەسپۋبليكاسى مەن ورىنبور وبلىسىنان اۋىل جاستارى قوزعالىستارىنىڭ كوشباسشىلارى قاتىستى. شارا قوناقتارىنىڭ قاتارىندا نيدەرلاندىدان كەلگەن ساياحاتشىلار دا بولدى. اۋىل جاستارىنىڭ القالى جيىنىنا وبلىس اكىمى بەردىبەك ساپارباەۆ قاتىسىپ, سلەتكە قاتىسۋشىلارعا قۇتتىقتاۋ ءسوز ارنادى. ءوڭىر باسشىسى كەز كەلگەن مەملەكەتتىڭ تىرەگى جاستار ەكەنىن, سوندىقتان جاستارعا ۇلكەن ءۇمىت ارتىلاتىنىن مالىمدەدى. مۇنداي كەزدەسۋلەردىڭ ولاردىڭ وي-ءورىسىن كەڭەيتۋگە, ازامات بولىپ قالىپتاسۋلارىنا پايداسى زور ەكەنىنە توقتالدى. وتكىزىلىپ جاتقان شارانىڭ ماڭىزى تۋرالى «جاسىل ەل» جاستار ەڭبەك توبى رەسپۋبليكالىق شتابىنىڭ جەتەكشىسى راحات حاميدۋللين اسەرلى باياندادى. ورىنبور وبلىسى جاستار ساياساتى دەپارتامەنتىنىڭ وكىلى سەرگەي تۋجنيكوۆ اقتوبەلىك جاستارمەن بۇرىننان تىعىز بايلانىس بار ەكەنىن ايتا كەلىپ, جاستار ساياساتىن جۇزەگە اسىرۋدا اقتوبەلىكتەردە ۇلگى الارلىق ۇلكەن تاجىريبە بار ەكەنىن دە جاسىرمادى. «اۋىل شارۋاشىلىعىن قارجىلاي قولداۋ قورى» اق وبلىستىق فيليالىنىڭ درەكتورى گۇلجانات ەرعازينا وڭىردە «ديپلوممەن اۋىلعا» جوباسىن جۇزەگە اسىرۋ باعىتىنداعى جۇمىستارمەن تانىستىردى جانە جاستار كاسىپكەرلىگىن دامىتۋ تۋرالى ويلارىن ورتاعا سالدى.  سلەت بارىسىندا اۋىل جاستارى اراسىنان شارۋالار مەن بيزنەسمەندەردىڭ, جاستار ۇيىمدارى كوشباسشىلارىنىڭ جوبالارى تانىستىرىلدى. شارا بارىسىندا, سونىمەن بىرگە, رەسپۋبليكالىق «گۇلدەنە بەر, تۋعان ەل!» مارافون-ەستافەتاسى اكتسياسى جانە بەيرەسمي پىكىرتالاس الاڭدارى ۇيىمداستىرىلدى. ساتىبالدى ءساۋىرباي. دەرەك, فوتو: egemen.kz