قازاقستاندىقتار قاي كىتاپتاردى وقيدى, قاي ءانشىنى تىڭدايدى؟

سۋرەت:kapital.kz «كسەلل» كومپانياسى activ music, activ TV جانە activ ۇسىناتىن Bookmate (OTT-سەرۆيستەر) اتتى جاڭا سەرۆيستەر جۇمىسىنىڭ العاشقى ناتيجەسىن شىعاردى. باق وكىلدەرىمەن وتكەن كەزدەسۋ بارىسىندا «كسەلل» اق باس اتقارۋشى ديرەكتورى ارتي وتس اتاپ وتكەندەي, OTT-سەرۆيستەر ىسكە قوسىلعاننان بەرگى ءۇش ايدا قوسىمشالارعا جازىلعانداردىڭ قاتارى 50 مىڭ ادامعا جەتكەن. جاڭا سەرۆيستەر اراسىندا activ ۇسىناتىن Bookmate ەڭ تا­نىمال قوسىمشا بولىپ وتىر: اقپان ايىنان بەرى 25 مىڭ ادام بۇل قىزمەتتىڭ جازىلۋشىسى اتانعان. 18 مىڭ ادام activ music-كە جازىلسا, 6 000 قولدانۋشى activ TV سەرۆيسىنىڭ كورەرمەنى بولۋ تۋرالى شەشىم قابىلداعان. قاراپ وتىرساق, ۇيالى وپەراتور ابونەنتتەرىنە ءتۇرلى قىزمەتتى ۇسىنىپ قويماي, قانداي كىتاپتار مەن انشىلەر سۇرانىسقا يە ەكەنىن دە انىقتاپ, ءبىلىپ وتىرادى. ماسەلەن, قازاقستاندىق انشىلەر اراسىنداعى activ music سەرۆيسىنىڭ ەڭ كوپ تىڭدالعان ترەگى قايرات نۇرتاستىڭ «بايقا» ءانى بولدى. ال الەكساندر ۆورو­بەۆ­تىڭ «سۋماسشەدشايا» اتتى ءانى رەسەيلىك ورىنداۋشىلار اراسىندا ەڭ ءجيى تىڭدالعان ءان رەتىندە تانىلدى. شەتەلدىك اندەر ىشىندە Drake ۇسىناتىن «Hotline Bling» ترەگى ەڭ كوپ تىڭدالعان ەكەن. سەرۆيستىڭ ەڭ تانىمال پلەيليستەرىنىڭ رەيتينگىن «اctiv TOP 30» باستادى. ال تەلەارنالاردى كورۋگە مۇمكىندىك بەرەتىن activ TV سەرۆيسىنىڭ ەڭ كوپ قارالعان توپ-3 تىزىمىندە 31 ارنا, 7 ارنا جانە كتك كوش باستايدى. «سپورت» قوسىمشا توپتاماسى دا Kcell جانە activ ابونەنتتەرى اراسىندا تانىمال بولىپ وتىر. العاشقى ءۇش ايدىڭ قورى­تىندىسى بويىنشا activ ۇسى­ناتىن Bookmate سەرۆي­سىندە قازاقستاندىق قولدانۋشى­لار­دىڭ سۇرانىسىنا يە بول­عان كىتاپتاردىڭ توپ-10 ءتى­زىمى انىقتالدى. رەيتينگتەگى العاش­قى ورىندا اعىلشىن جازۋشىسى دجودجو مويەستىڭ «سەنەن كەيىن» اتتى كىتابى تۇر. ەكىنشى ورىنعا ستەيس كرامەردىڭ «وزىمە قول جۇم­ساعانعا دەيىن 50 كۇن» ات­تى شىعارماسى جايعاسسا, امە­ريكالىق پسيحولوگ روبەرت ءچالدينيدىڭ «ىقپال ەتۋ پسيحولوگياسى» ءۇشىنشى ورىننان كورىندى. سول سياقتى. «تۇنگى بارلاۋ» (اۆتورى سەرگەي لۋكيانەنكو) جانە «كرەملدىڭ بۇكىل اسكەرى» (اۆتورى ميحايل زىگار) كى­تاپ­تارى ەڭ جىلدام وقىلعان شى­عا­رمالار اتاندى. لەۆ تول­س­­تويدىڭ «سوعىس جانە بەيبىت­شىلىك» رومانى اتالعان ۋاقىت ىشىندە ۇزىندىلەرى دايەكسوز رەتىن­دە ەڭ كوپ كەلتىرىلگەن كىتاپ بولىپ تانىلدى. قىسقاسى, قازاقستاندىقتار ۇيالى تەلەفون ارقىلى دجودجو مويەستى وقىپ, قايرات نۇرتاستى تىڭداپ, وتاندىق تەلەارنالاردى قاراعاندى ۇناتادى. ايناش ەسالي, «ەگەمەن قازاقستان» الماتى