قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №91 

ء«بىلىم تۋرالى» قازاقستان رەسپۋبليكاسى زاڭىنىڭ 5-بابىنىڭ 19-2) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك ءبىلىم بەرۋ ۇيىمدارىنىڭ ءبىلىم الۋشىلارى مەن تاربيەلەنۋشىلەرىن وقۋلىقتارمەن جانە وقۋ-ادىستەمەلىك كەشەندەرمەن قامتاماسىز ەتۋ قاعيدالارى بەكىتىلسىن. 2. قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى س.ن.نۇسىپوۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ قازاقستان رەسپۋبليكاسى ءبىلىم جانە عىلىم ءمينيسترىنىڭ 2016 جىلعى 28 قاڭتارداعى № 91 بۇيرىعىمەن بەكىتىلدى مەملەكەتتىك ءبىلىم بەرۋ ۇيىمدارىنىڭ ءبىلىم الۋشىلارى مەن تاربيەلەنۋشىلەرىن وقۋلىقتارمەن جانە وقۋ-ادىستەمەلىك كەشەندەرمەن قامتاماسىز ەتۋ قاعيدالارى 1. جالپى ەرەجەلەر 1. وسى مەملەكەتتىك ءبىلىم بەرۋ ۇيىمدارىنىڭ ءبىلىم الۋشىلارى مەن تاربيەلەنۋشىلەرىن وقۋلىقتارمەن جانە وقۋ-ادىستەمەلىك كەشەندەرمەن قامتاماسىز ەتۋ قاعيدالارى (بۇدان ءارى – قاعيدالار) ء«بىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 19-2) تارماقشاسىنا سايكەس مەكتەپكە دەيىنگى دايارلىقتىڭ, باستاۋىش, نەگiزگi ورتا, جالپى ورتا, مامانداندىرىلعان جالپى ءبىلىم بەرەتىن جانە ارنايى وقۋ باعدارلامالارىن iسكە اسىراتىن ءبىلىم بەرۋ ۇيىمدارىن وقۋلىقتارمەن جانە وقۋ-ادىستەمەلىك كەشەندەرمەن (بۇدان ءارى – واك) ۋاقىتىلى جانە تولىق قامتاماسىز ەتۋ ماقساتىندا ازىرلەندى (بۇدان ءارى – ءبىلىم بەرۋ ۇيىمدارى). 2. وسى قاعيدالار رەسپۋبليكانىڭ ءبىلىم بەرۋ ۇيىمدارىن وقۋلىقتارمەن جانە وقۋ-ادىستەمەلىك كەشەندەرمەن قامتاماسىز ەتۋ ءتارتىبىن, ولاردى ورىنداۋ مەرزىمدەرىن, مەملەكەتتىك ورگاندار ء(بىلىم جانە عىلىم مينيسترلىگى (بۇدان ءارى – مينيسترلىك), ءبىلىم جانە عىلىم سالاسىنداعى باقىلاۋ كوميتەتى (بۇدان ءارى – كوميتەت), ونىڭ ءبىلىم سالاسىنداعى اۋماقتىق باقىلاۋ دەپارتامەنتتەرى, جەرگىلىكتى اتقارۋشى ورگانداردىڭ, باسپالاردىڭ جانە ءبىلىم بەرۋ ۇيىمدارى قىزمەتىنىڭ بەكىتىلۋىن ايقىندايدى. 3. مەكتەپكە دەيىنگى دايارلىق, ورتا ءبىلىم بەرۋ ۇيىمدارىنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنىڭ بارلىق ءبىلىم الۋشىلارى الەۋمەتتىك مارتەبەسىنە قاراماستان, ء«بىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 47-بابىنىڭ 3-تارماعىنىڭ 7) تارماقشاسىنا سايكەس ءبىلىم بەرۋ ۇيىمدارىنىڭ وقۋ جىلىنا بولجاناتىن كولەمدە مينيسترلىك بەكىتەتىن وقۋ ادەبيەتتەرىنىڭ قورلاندىرۋ تسيكلىنە سايكەس ولاردى جىل سايىنعى كەزەڭ-كەزەڭىمەن ساتىپ الۋ (رەزەرۆ قورىن ەسەپكە الا وتىرىپ) ارقىلى جەرگىلىكتى بيۋدجەت قاراجاتى ەسەبىنەن تەگىن وقۋلىقتارمەن جانە وقۋ-ادىستەمەلىك كەشەندەرمەن قامتاماسىز ەتىلەدى. 4. وسى قاعيدالاردا مىناداي نەگىزگى ۇعىمدار قولدانىلادى: 1) باسپا – باسپا ءونىمىن دايىنداۋ مەن باسىپ شىعارۋدى جۇزەگە اسىراتىن كاسىپورىن; 2) قوسىمشا ادەبيەت – قازاقستان رەسپۋبليكاسىنىڭ مەملەكەتتىك جالپىعا مىندەتتى ءبىلىم بەرۋ ستاندارتى (بۇدان ءارى – قر مجبس), ۇلگىلىك وقۋ جوسپارلارى مەن ۇلگىلىك وقۋ باعدارلامالارىن ىسكە اسىرۋعا ىقپال ەتەتىن, وقۋلىق پەن وقۋ-ادىستەمەلىك كەشەن جيىنتىعىنا كىرمەيتىن باسىلىمدار; 3) وقۋلىق – وقۋ ءپانىن ء(پاندى) جۇيەلى باياندايتىن, قر مجبس, ۇلگىلىك وقۋ جوسپارىنا جانە ۇلگىلىك وقۋ باعدارلاماسىنا سايكەس كەلەتىن جانە وسى وقۋ باسىلىمىنىڭ ءتۇرى رەتىندە رەسمي بەكىتىلگەن وقۋ باسىلىمىنىڭ ءتۇرى; 4) ءبىلىم بەرۋ ۇيىمدارىنىڭ وقۋلىقتارمەن, وقۋ-ادىستەمەلىك كەشەندەرمەن جانە وقۋ-ادىستەمەلىك قۇرالدارمەن قام­تا­ماسىز ەتىلۋ مونيتورينگى – قامتاماسىز ەتۋ بارىسى تۋرالى اقپاراتتى جيناقتاۋ, ساقتاۋ, وڭدەۋ جانە تاراتۋ ء(بىلىم بەرۋ ۇيىمدارىنىڭ وقۋ ادەبيەتتەرىن مەملەكەتتىك ساتىپ الۋ قورىتىندىلارى, جەتكىزۋ جونىندەگى شارت جاساسۋى, باسپا­لاردىڭ جونەلتۋى, تاسىمالداۋشى ۇيىمداردىڭ جەتكىزۋى, مەكتەپتىك كىتاپحانالاردا كىتاپ قورىنىڭ جاعدايى جانە ت.ب.); 5) وقۋ ادەبيەتى – بىلىمدىك, سونداي-اق رۋحاني-ادامگەرشىلىك جانە تاربيەلەۋ ماقساتتارىنا قول جەتكىزۋگە باعىتتالعان, جەكە جانە (نەمەسە) ولاردىڭ جيىنتىعى بويىنشا بارلىق قابىلدانعان وقۋ باسىلىمدارىنىڭ تۇرلەرىن قامتيتىن ءارتۇرلى ءبىلىم سالاسىنداعى باسپا شىعارمالار; 6) وقۋ-ادىستەمەلىك كەشەن (واك) – ءبىلىم الۋشىلاردىڭ وقۋ پاندەرىنىڭ مازمۇنىن يگەرۋدى قامتاماسىز ەتۋگە باعىتتالعان جانە وقۋلىققا ىلەسپە بولاتىن وقۋ جانە ادىستەمەلىك باسىلىمدار جۇيەسى, ونىڭ بارلىق كومپونەنتتەرى بىرىڭعاي تۇتاستىقتى قالىپتاستىرادى جانە ءبىلىم بەرۋ باعدارلاماسىنىڭ ماقساتىنا قول جەتكىزۋ ءۇشىن ارەكەتتەسەدى (جۇمىس داپتەرى; مۇعالىمگە ارنالعان ادىستەمەلىك قۇرال; ديداكتيكالىق ماتەريالدار; جاتتىعۋلار, ديكتانتتار جيناعى; كارتالار; حرەستوماتيا; مۋلتيمەديالىق ماتەريالدار جانە ت.ب.); 7) وقۋ باسىلىمى – ناقتى ءبىلىم بەرۋ (وقۋ) باعدارلاماسى بويىنشا ءبىلىم بەرۋ پروتسەسىندە پايدالانۋعا ارنالعان باسىلىم; 8) وقۋ-ادىستەمەلىك قۇرال (بۇدان ءارى – واق) – وقۋ ءپانىنىڭ جەكە ەلەمەنتتەرىن زەردەلەۋ ماقساتىندا وقۋلىقتى تولىقتىراتىن نەمەسە ءىشىنارا الماستىراتىن جانە وسى وقۋ باسىلىمىنىڭ ءتۇرى رەتىندە رەسمي بەكىتىلگەن, وقۋ پاندەرىنىڭ ء(پانىنىڭ) بولىگىن جۇيەلى بايانداۋدى قامتيتىن وقۋ باسىلىمىنىڭ ءتۇرى. 2. ءبىلىم بەرۋ ۇيىمدارىن وقۋلىقتارمەن, وقۋ-ادىستەمەلىك كەشەندەرمەن جانە وقۋ-ادىستەمەلىك قۇرالدارمەن قامتاماسىز ەتۋ ءتارتىبى 5. ء«بىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنا سايكەس مينيسترلىك وقۋلىقتاردىڭ, وقۋ-ادiستەمەلiك كەشەندەرiنiڭ, قۇرالدارىنىڭ جانە باسقا دا قوسىمشا ادەبيەتتەردiڭ, ونىڭ ىشىندە ەلەكتروندىق جەتكىزگىشتەگىلەرىنىڭ تiزبەسiن (بۇدان ءارى – تىزبە) جىل سايىن 30 قاراشاعا دەيىن بەكىتەدى جانە ونى ءبىلىم بەرۋ ۇيىمدارى مەن باسپالاردىڭ تانىسۋى ءۇشىن مينيسترلىكتىڭ سايتىندا ورنالاستىرادى. 6. وقۋلىقتار مەن واك-ءنى تىزبەگە ەنەتىن اتاۋى بويىنشا ساتىپ الۋ قورلاندىرۋ تسيكلى بويىنشا قاجەتتى وقۋ ادەبيەتتەرىن بۇدان ءارى قوسىمشا ساتىپ الۋ ارقىلى تولىق تارالىمىمەن 4 جىلدىق تسيكلدىڭ 2 جىل مەرزىمىنىڭ ءوتۋى بويىنشا بولجانعان ءبىلىم الۋشىلار كونتينگەنتىنىڭ جيىرما پايىزىنان ارتىق ەمەس كولەمدە جۇرگىزىلەدى. 7. رەسپۋبليكالىق ءبىلىم بەرۋ ۇيىمدارى, سونداي-اق شەتەل مەكتەپتەرىندە ءبىلىم الاتىن وتانداستارىمىز وقۋ­لىق­تارمەن جانە واك-مەن رەسپۋبليكالىق بيۋدجەت قاراجاتى ەسەبىنەن حالىقارالىق شارتتارعا سايكەس قامتاماسىز ەتىلەدى. 8. ءبىلىم بەرۋ ۇيىمدارى مەملەكەتتىك ەمەس ءبىلىم بەرۋ ۇيىمدارىنىڭ ءبىلىم الۋشىلارى مەن تاربيەلەنۋشىلەرىن وقۋلىقتارمەن جانە واك-مەن وزدىگىنەن قامتاماسىز ەتەدى. 9. باسپالار جىل سايىن قازان ايىندا كوميتەتكە تىزبە بەكىتىلگەنگە دەيىن وڭ ساراپتامالىق قورىتىندى مەن قوعامدىق باعالاۋدى العان وقۋلىقتار مەن واك-كە باعدارلى باعانى جولدايدى. 10. باسپالار جىل سايىن 10 جەلتوقسانعا دەيىن ءوز ۇيىمىنىڭ سايتىندا تىزبەگە ەنگەن وقۋلىقتار مەن واك-ءتىڭ پرايس-پاراعىن ءبىلىم بەرۋ ۇيىمدارىنىڭ تانىسۋى ءۇشىن ورنالاستىرادى. 11. جەرگىلىكتى اتقارۋشى ورگاندار ءبىلىم بەرۋ ۇيىمدارىندا ءبىلىم الۋشىلاردىڭ بولجالدى سانىن ءبىلىم الۋشىلار مەن تاربيەلەنۋشىلەردىڭ كونتينگەنتىن ەسەپكە الا وتىرىپ, كەلەسى وقۋ جىلىنا وقۋلىقتار مەن واك-ءتى ساتىپ الۋعا ءوتىنىمدى ونىڭ نەگىزىندە قالىپتاستىرادى. 12. ءبىلىم بەرۋ ۇيىمدارى 30 مامىرعا دەيىن وقۋشىلار سانىنا جەتكىلىكتى بولۋ نىسانى بويىنشا كىتاپ قورىن تۇگەندەۋدى جۇرگىزەدى جانە كىتاپ قورىنان ءبىلىم الۋشىلارعا وقۋلىقتاردى كەلەسى وقۋ جىلىنا بەرەدى. 13. جەرگىلىكتى اتقارۋشى ورگاندار جىل سايىن 31 قاڭتارعا دەيىن باسپالارعا ءبىلىم بەرۋ ۇيىمدارىنان قاعاز جانە ەلەكتروندىق جەتكىزگىشتەردە كەلىپ تۇسكەن وقۋلىقتار مەن واك-ءتى ساتىپ الۋعا ءوتىنىمدى جولدايدى. ءتيىستى وتىنىمدەردى جاساۋدا وقۋلىقتاردى ساتىپ الۋعا باسىمدىق بەرىلۋى قاجەت. 14. جەرگىلىكتى اتقارۋشى ورگاندار جىل سايىن 1 ناۋرىزعا دەيىن ءبىلىم بەرۋ ۇيىمدارىنىڭ وتىنىمدەرى نەگىزىندە وقۋلىقتار مەن واك باسىپ شىعارۋدى جۇزەگە اسىراتىن ۇيىمدارمەن شارتتار جاسايدى. 15. جەرگىلىكتى اتقارۋشى ورگاندار وقۋلىقتار مەن واك-ءتى باسىپ شىعاراتىن باسپالارمەن «وقۋلىق باسىلىمدارىنا قويىلاتىن گيگيەنالىق نورماتيۆتەردى بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 19 تامىزداعى № 611 بۇيرىعىنا (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 12089) بولىپ تىركەلگەن سايكەستىگى تۋرالى سانيتاريالىق-ەپيدەميولوگيالىق قورىتىندى بولعان جاعدايدا عانا شارت جاساسادى. 16. جەرگىلىكتى اتقارۋشى ورگاندار جىل سايىن 31 ساۋىرگە دەيىن وقۋلىقتار مەن واك باسىپ شىعارۋشى ۇيىمىنان ءبىلىم بەرۋ ۇيىمدارىنا دەيىن وقۋلىقتار مەن واك-ءتى جەتكىزۋ بويىنشا قىزمەت كورسەتۋدىڭ الەۋەتتى جەتكىزۋشىلەردى انىقتاۋ بويىنشا مەملەكەتتىك ساتىپ الۋ ءراسىمىن ۇيىمداستىرىپ, وتكىزەدى. 17. جەرگىلىكتى اتقارۋشى ورگاندار جىل سايىن 1 تامىزعا دەيىن مەكتەپكە دەيىنگى دايارلىق, ورتا ءبىلىم بەرۋ ۇيىمدارىنىڭ جالپى ءبىلىم بەرەتىن وقۋ باعدارلامالارىن, سونداي-اق مامانداندىرىلعان جانە ارنايى تۇزەتۋ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا ءبىلىم بەرۋ ورگاندارىنىڭ وقۋ جىلىنا بولجاناتىن كولەمدە وقۋلىقتار مەن وقۋ-ادىستەمەلىك كەشەندەردى ساتىپ الۋ مەن جەتكىزۋدى قامتاماسىز ەتەدى. 18. جەرگىلىكتى اتقارۋشى ورگاندار جىل سايىن 10 تامىزعا دەيىن ءبىلىم بەرۋ ۇيىمدارىنىڭ جاڭا وقۋ جىلىنا وقۋلىقتارمەن جانە واك-پەن قامتاماسىز ەتىلۋى بويىنشا قورىتىندى اقپاراتتى كوميتەتكە جولدايدى. 19. كوميتەت, ونىڭ اۋماقتىق ءبىلىم سالاسىنداعى باقىلاۋ دەپارتامەنتتەرى ءبىلىم بەرۋ ۇيىمدارىن وقۋلىقتارمەن جانە واك-پەن قامتاماسىز ەتۋ پروتسەسى بارىسىندا تۋىنداعان ماسەلەلەرگە دەرەۋ ارەكەت ەتۋ ماقساتىندا رەسپۋبليكانىڭ ءبىلىم بەرۋ ۇيىمدارىن وقۋلىقتارمەن جانە واك-مەن قامتاماسىز ەتۋدىڭ مونيتورينگىن 1 ماۋسىمنان 10 تامىزعا دەيىنگى كەزەڭدە ءار ون كۇندىكتە ۇيىمداستىرادى جانە سونىڭ بارىسىندا جەرگىلىكتى اتقارۋشى ورگاندار جەتكىزۋ بويىنشا, باسپالار ءبىلىم بەرۋ ۇيىمدارىنا وقۋلىقتار مەن واك-ءتى جىبەرۋ بويىنشا مالىمەتتەردى ۇسىنادى. 20. جەرگىلىكتى اتقارۋشى ورگاندار قاجەتتىلىك تۋىنداعان جاعدايدا اۋدان, وبلىس ىشىندەگى ءبىلىم بەرۋ ۇيىمدارىنىڭ اراسىندا وقۋلىقتار مەن واك-ءنى قايتا ءبولۋدى جۇرگىزەدى. 3. ءبىلىم بەرۋ ۇيىمدارىن وقۋلىقتارمەن جانە واك-پەن ۋاقىتىلى تولىق قامتاماسىز ەتۋدى بۇزۋداعى جاۋاپكەرشىلىك 21. كەلەسى وقۋ جىلىنا ءبىلىم الۋشىلاردىڭ سانىن قاتە بولجاعان جاعدايدا جانە سونىڭ سالدارى رەتىندە جەتكىلىكسىز قارجىلاندىرىلعاندا, ءبىلىم بەرۋ ۇيىمدارىنا وقۋلىقتار مەن واك-ءتى ساتىپ الۋ بويىنشا ءىس-شارالاردى بۇزعانى ءۇشىن قازاقستان رەسپۋبليكاسىنىڭ زاڭناماسىنا سايكەس ءبىلىم سالاسىنداعى جەرگىلىكتى اتقارۋشى ورگاندار جاۋاپتى بولادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13288 بولىپ ەنگىزىلدى.