جۇرت قولداعان شارا

كەشە ەلىمىز بويىنشا, ناق­­تىلاي ايتقاندا, وبلىس­تىق, قا­لالىق, اۋداندىق كىتاپ­­حانا­لار مەن دوستىق ءۇي­لەرىندە, سون­داي-اق, جوعارى وقۋ ورىن­­دا­رىندا ءبىر ۋاقىت­تا مەم­­لە­كەت­تىك تىلدە «ماڭگىلىك ەل» پات­ريوتتىق اكتسياسىنا ار­نال­­­عان جالپىقازاق­ستان­دىق اشىق ديكتانت جازۋ شاراسى ءوتتى.  قازاقستان حالقى اسسامبلەيا­سىنىڭ باستاماسىمەن سينحرون­دى تۇردە ۇيىمداستىرىلعان اكتسيا­عا 3 مىڭنان استام كىتاپ­حانا­دان بولەك, جوو-لار مەن دوستىق ءۇي­لەرى بەلسەنە اتسا­لىستى. ەل ازاماتت­ارى­­نىڭ پات­ريوتتىق سەزىمد­ەرىن نىعايتا ءتۇسۋدى, سون­داي-اق, قازاق ءتىلى­نىڭ مارتەبەسىن كوتەرۋدى ماق­سات ەت­كەن, تاۋەل­سىزدىگىمىزدىڭ 25 جىل­دى­عى­نا وراي قولعا الىنعان شارا­عا ۇلتى, كاسىبى, جاس ەرەك­شەلىگى ءار­­تۇرلى 20 مىڭ­نان استام ادام قاتىس­تى. اكتسيانىڭ استاناداعى ۇلت­تىق اكادەميالىق كىتاپحانا­دا ۇيىمداستىرىلعان اشىلۋ راسىمىندە قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ بۇل شارانىڭ قوعامىمىزعا, اسىرەسە, جاستارعا وتە قاجەت ەكەنىنە توقتالا كەلىپ: «تاۋەلسىزدىكتەن اسقان قاسيەتتى ۇعىم جوق. ول ءبىزدىڭ باستى قۇندىلىعىمىز. مۇنى ءبىز جۇرتشىلىققا تۇسىندىرە ءبىلۋىمىز كەرەك. سوندىقتان, وسىنداي اكتسيانى وتكىزۋدى قولعا الدىق. مۇنداعى ماقساتىمىز – «ماڭگىلىك ەل» يدەياسىن حالىق اراسىنا كەڭىنەن ناسيحاتتاپ, ونىڭ ءمان-ماڭىزىن ءتۇسىندىرۋ», – دەدى. بۇدان كەيىن ءسوز العان مەملەكەت قايراتكەرى, بەلگىلى عالىم مىرزاتاي جولداسبەكوۆ ديك­تانت جازۋعا كەلگەن ازاماتتارعا ساتتىلىك تىلەپ, بارلىعىنىڭ جو­عارى باعا الۋلارىنا تىلەكتەس ەكەن­دىگىن ءبىلدىردى. ءوزىمىز كۋا بولعان, ياعني استا­ناداعى ۇلتتىق اكادەميالىق كىتاپحانادا وتكەن ديكتانت جازۋ شاراسىنا ۇلتتىق كومپانيالار مەن مەملەكەتتىك ورگانداردىڭ قىزمەتكەرلەرى, جاستار, ۇلتتىق ۇلان جانە استانانىڭ بارلىق ەتنومادەني بىرلەستىكتەرىنىڭ وكىل­دەرى قاتىستى. ايتا كەتەيىك, 230 سوزدەن تۇرا­تىن ديكتانت ءماتىنىن وتاندىق عالىمدار دايىنداعان. ونىڭ مازمۇنى پاتريوتتىق تاقىرىپقا نەگىزدەلگەن. جالپى, ديكتانتتى فيلو­لوگ وقىتۋشىلار تەكسەرەدى. قورى­تىندىسى بويىنشا «وتە جاقسى» باعا العانداردىڭ ەسىم­دەرى اتاپ وتىلەدى. مۇنى جىل سايىنعى داستۇرگە اينال­دىرۋ جوسپارلانۋدا. اكتسيا قورى­تىندىسى بۇگىن بەلگىلى بولادى دەپ كۇتىلۋدە. جولدىباي بازار, «ەگەمەن قازاقستان»