كوشپەلى وتىرىس

دەنساۋلىق ساقتاۋ ماسەلەسىن ءسوز ەتتى جۋىردا استانا قالاسىنىڭ №2 اۋرۋحاناسىندا دەنساۋلىق ساقتاۋ سالاسىن دامىتۋدىڭ 2016-2019 جىل­دارعا ارنالعان «دەنساۋلىق» مەملەكەتتىك باعدارلا­ماسىن ىسكە اسىرۋ ماسەلەلەرى بويىنشا قازاقستان رەسپۋبليكاسى پارلامەنتى ءماجىلىسى الەۋمەتتىك-مادەني دامۋ كوميتەتىنىڭ كوشپەلى وتىرىسى ءوتتى. وسى مەملەكەتتىك باعدارلاماعا سايكەس, ءومىر ءسۇرۋدىڭ كۇتىلەتىن ۇزاقتىعىن ۇلعايتۋ, مەديتسينالىق قىزمەتتەرگە قولجەتىمدىلىكتى جانە ساپاسىن ارتتىرۋ, دەنساۋلىق ساقتاۋ سالاسىن قارجىلاندىرۋ جانە باسقارۋ جۇيەسىن جاقسارتۋ دەنساۋلىق ساقتاۋ سالاسىنىڭ ستراتەگيالىق ماقساتتارى بولىپ تابىلادى. ونىڭ ىشىندە, مىناداي: ءجىتى ميوكارد ينفاركتى, مي قان اينالىمىنىڭ ءجىتى بۇزىلىسى (ينسۋلت), جاڭا قاتەرلى ىسىكتەر, جاراقاتتار, جۇكتىلىك جانە بوسانۋ سياقتى بەس نەگىزگى الەۋمەتتىك ءمانى بار, سونداي-اق, ەلدىڭ دەموگرافياسىنا ايتارلىقتاي اسەر ەتەتىن اۋرۋلار بويىنشا ارنايى ءىس-قيمىلدار جوسپارىن ىسكە اسىرۋ كوزدەلىپ وتىر. جيىن بارىسىندا دەپۋتاتتار اۋرۋحانانى ارالاپ كورىپ, ونداعى ەمدەۋ ىسىمەن جاقىننان تانىستى. «دەنساۋلىق» مەملەكەتتىك باع­دارلاماسىن ىسكە اسىرۋ ماسەلەلە­رى بويىنشا دەنساۋلىق جانە الەۋمەتتىك دامۋ ۆيتسە-ءمينيسترى ە.ءبىرتانوۆ اتالعان تاقىرىپ شەڭبەرىندە ەگجەي-تەگجەي بايانداما جاسادى. ول ءوز سوزىندە: «بولاشاقتا سمارتفوندار كەڭ قولدانىسقا شىعادى دەپ ويلايمىز. وسى ءموبيلدى قوسىمشا ارقىلى كەز كەلگەن ەمدەلۋشى ءوز-ءوزىن قابىلداۋعا جازا الادى. ءتيىستى ەمدەۋ مەكەمەسىندەگى كەزەكتى قاراپ, وعان تىركەلۋگە مۇمكىندىگى بار. سوندىقتان دا بولار, قازىرگى تاڭدا, بىزدە ءىت-ماماندارىنا دەگەن سۇرانىس جوعارى بولىپ تۇر» دەدى. كوشپەلى وتىرىسقا قاتى­سۋ­شى­لار بەلسەندى تۇردە پىكىر الماس­تى. اتالعان اۋرۋحانانىڭ باس دارىگەرى يۆان لي, ءماجىلىس دەپۋ­تات­تارى سويلەپ, وسى ماسەلەگە قاتىس­تى قىزۋ ساۋالدار قويىلىپ, ءتيىس­تى جاۋاپتار بەرىلدى. وتىرىستا ايتىل­عان پىكىرلەردى الەۋمەتتىك-مادە­ني دامۋ كوميتەتىنىڭ ءتور­ايى­­مى گۇلنار ىقسانوۆا قورى­تىندىلادى. راۋشان سۇلەيمەنوۆا