استانا وڭىرلىك حابى

بۇۇ باس اسسامبلەياسىندا جوعارى باعا الدى استاناداعى مەملەكەتتىك قىز­مەت سالاسىنداعى وڭىرلىك حاب قىز­مەتىنە بۇۇ باس اسسامب­لەيا­سى­نىڭ وڭتۇستىك-ءوڭتۇس­تىك ىنتى­ماق­تاستىعى ءجونىن­دەگى جوعارى دەڭ­گەيدەگى كوميتە­تىنىڭ XIX سەسسيا­سىندا ىنتىماق­تاستىقتىڭ حا­لىق­ارالىق ءتيىمدى تۇعىرناماسى رەتىندە اتاپ ءوتىلدى. جيىندى بۇۇ باس حاتشى­سى­نىڭ وڭتۇستىك-وڭتۇستىك ىنتى­ماق­تاس­تى­عى بويىنشا ارنايى ۋاكىلى حور­حە چەديەك كىرىسپە ءسوز سويلەپ اش­تى. سەس­سيا جۇمىسىنا بۇۇ مۇشە-­مەم­­لەكەتتەرى, باقىلاۋشى ەل­­دە­رى تۇ­­راقتى وكىلدەرى, بۇۇ مە­كە­­­مەلە­رى, ۇكىمەتارالىق جانە ۇكى­مەت­­­تىك ەمەس ۇيىم جەتەكشىلەرى قاتىس­تى. مەملەكەتتىك باسقارۋ سالا­سىن­داعى وڭتۇستىك-وڭتۇستىك ىنتىماق­تاستىعىنىڭ ۇلەسى تۋرالى تالقىلاۋ تاقىرىبى رەتىندە استانا وڭىرلىك حابىنىڭ تاجىريبەسى نازارعا الىندى. حابتىڭ باسقارۋشى كوميتەتى توراعاسى ءاليحان بايمەنوۆ مەملەكەتتىك قىزمەتتى جەتىلدىرۋدە قازاقستاننىڭ حالىقارالىق ارىپتەستىككە قوسقان ۇلەسى, ونىڭ ىشىندە تۇراقتى دامۋ ماقساتتارىن ىلگەرىلەتۋ بويىنشا حاب قىزمەتى جونىندە باياندادى. بۇعان دەيىن بۇۇ ارقىلى استانادا حابتىڭ قۇرىلۋى جانە ونىڭ تابىسى قازاقستاننىڭ رەفورمالار جاساۋ, ونىڭ ىشىندە مەم­لەكەتتىك قىزمەتتە مەريتوكرا­تيانى نىعايتۋ بويىنشا وڭ تاجىريبەسىمەن بولىسۋگە دايارلى­عىنىڭ ناتيجەسىندە مۇمكىن بولعان­دىعى اتاپ وتىلگەن. 2014 جىلى حاب وڭتۇستىك-وڭتۇستىك فورماتىنداعى ىنتىماقتاستىقتى دامىتۋعا قوسقان ۇلەسى ءۇشىن بۇۇ-نىڭ ارنايى سىيلىعىمەن ماراپاتتالعان. حاب قازاقستان باستاماسىمەن بۇۇ «دامۋ» باعدارلاماسىمەن بىرلەسە وتىرىپ, 25 مۇشە ەل جانە 5 حالىقارالىق ۇيىمنىڭ قاتى­سۋىمەن قۇرىلدى. قازىرگى تاڭدا حاب 34 مۇشە ەلدەن تۇرادى. رۋسلان يگىلىك