قازاقستاندىق قارۋ-جاراق

كورمەسىنە 100-دەن اسا وتاندىق كومپانيا قاتىسادى KADEX كورمەسى قورعانىس مينيس­ترلى­گىنىڭ ۇيىمداستىرۋىمەن 2010 جىلدان بەرى وتكىزىلىپ كەلەدى. العاشقى كەزدە اتالعان شاراعا 156 كومپانيا قاتىسقان. سول جىلى كورمە نەگىزىندە 1,5 ملرد. اقش دوللارى سوماسىندا 10 ۇزاق مەرزىمدى قۇجاتقا قول قويىلدى. قازاقستاننان 86 كاسىپورىن ءوز ونىمدەرىن ۇسىنىپ, شەتەلدىك ارىپتەستەرىمەن كەلىسىمشارتتار جاساسقان بولاتىن. قازىرگى كەزدە استانا حالىق­ارالىق اۋەجايىنىڭ اسكەري سەكتورىندا «KADEX-2016» حا­لىق­ارالىق كورمەسىنە قىزۋ دايىن­دىق جۇمىستارى جۇرگىزىلۋدە. پاۆيل­ونداردىڭ قۇرىلىسى سالىنىپ جاتىر. جاقىن ارادا اسكەري تەحنيكالار اكەلىنەدى. قولدا بار مالىمەتتەرگە قاراعاندا, وسى تەحنيكالاردىڭ ءبىراز بولىگىن رەسەي فەدەراتسياسى ۇسىنادى. بۇل ەل جوعارى تەحنولوگيالىق تانكىگە قارسى زىمىران كەشەندەرى مەن شابۋىلداۋ قارۋ-جاراقتارىن كورسەتەدى. رەسەيدە قارۋ-جاراق پەن وق-دارىلەردى جاساۋدا «كبپ» اق زاۋىتىنىڭ 85 جىلدىق ءتاجى­ريبەسى بار. ال «ۆولوگدا وپ­تي­كا-مەحانيكالىق زاۋىتى» اق كومپانياسى بروندى تانكتى تەح­ني­كاعا ارنالعان جۇيەلەردى (ت-90, ت-80ۋ, بمپ-3, بتر-80, مت-لبم) جەتكىزەدى. كانادا «Series – 400» ۇشاعىن تانىستىرادى. ول 19 ادامعا ارنالعان. اسكەري تەحنيكانى «Viking Air Ltd» اۋە عارىشتىق كومپانياسى شىعارادى. كورمەگە جىل سايىن قاتىسىپ كەلە جاتقان فرانتسيا دا ءوز ونىمدەرىن كورسەتۋدەن قالىس­پايدى. بۇل مەملەكەت دۇنيە ءجۇزى بويىنشا زىمىران جۇيەلەرىن شىعاراتىن كوشباسشى ەل بولىپ سانالادى. بيىلعى شاراعا فرانتسۋز رەسپۋبليكاسىنىڭ «MBDA» كومپانياسى ونىمدەرىنىڭ ءتۇر-ءتۇرىن كورسەتەدى. ءبىزدىڭ ەلدەن «KADEX-2016» كورمەسىندە بىرنەشە كومپا­نيا­نىڭ ونىمدەرى ۇسىنىلادى. سو­لاردىڭ ءبىرى – «سەمەي ينجينيرينگ» اق ت-72 تانكتەرىن, جاياۋ اسكەردىڭ ءجاجم-1 ۇرىس ماشينالا­رى مەن بتر-70 بروندى ترانسپورتەرلارىن دايىنداپ جاتىر. بۇل كاسىپورىننىڭ بروندى تانكتى تەحنيكانى ءجون­دەيتىن جانە اسكەري جانە اسكەري-ينجە­نەرلىك تەحنيكانىڭ بازاسىندا كونۆەرسيالىق تەحنيكانى دايىندايتىن زاۋىتى بار. «قازاقستان پاراماۋنت ينجينيرينگ» جشس «ار­لان» مينادان قورعانا الاتىن بروندالعان ءاۆتوموبيلدى, ارنايى اسكەرلەر, ارنايى ماقساتتاعى جاۋىنگەرلەر مەن اسكەري پوليتسياعا ار­نالعان دوڭعالاقتى ماشينانى ۇسىنادى. بۇل ماشينا جول تاڭ­دامايدى. قاي جەرمەن بولسا دا جۇرە بەرەدى. داستان كەنجالين, «ەگەمەن قازاقستان»