زيراتتار

ءب ۇلىنۋى كاسىپكەر جاساعان جاساندى كولدىڭ ىزا سۋىنان ەمەس پە؟ جامبىل وبلىسى, ت.رىسقۇلوۆ اۋدانى, كامەنكا اۋىلىنىڭ ءبىر توپ تۇرعىنى وسى ەلدى مەكەنگە جاقىن جەردەن ءوز كاسىبىن اشقان كاسىپكەردى ايىپتاپ وتىر. «ءولى ريزا بولماي, ءتىرى بايى­­مايدى» دەپ ارۋاقتى قا­دىر­لەگەن حالىقپىز عوي. اۋىل تۇر­عىندارىنىڭ ايتۋىنا قارا­عاندا, كاسىپكەر دەمالىس ورنىن اشۋدى قولعا العان ەكەن. سودان كەلۋشىلەردى كوپتەپ تارتۋ ءۇشىن تەك تاماقتانۋ ورنىن عانا ەمەس, بالىق اۋلاپ, بوي سەرگىتىپ, قىزىققا باتسىن دەگەن نيەتپەن قولدان كول جاساپتى. مىنە, سول جاساندى كولدەن اسىپ توگىلگەن سۋ جاقىن ماڭداعى مولالاردى بۇلدىرگەن كورىنەدى. – بۇل كاسىپكەر دەمالىس ورنىن اشىپ, ەكى ايدان بەرى تەرەڭ سايعا سۋ تولتىرىپ, بالىق ءجى­بەرىپتى. الايدا, ءبىر جەتىدەن بەرى تولاسسىز جاۋعان جاۋىننان شاعىن كولدىڭ دەڭگەيى كوتەرىلىپ, جوتاداعى زيراتقا قاۋىپ ءتون­دىرگەن. ءتىپتى, قابىرلەرگە سۋ قۇ­يى­لىپ وپىرىلىپ جاتىر, – دەپ شىرىلدايدى وسى اۋىلدىڭ تۇرعىنى مارات تانەكەەۆ. ونىڭ ايتۋىنا قاراعاندا جاقىندارى جەرلەنگەن قابىرلەر شەتىنەن قيراعان. ءبىر اي بۇرىن اكەسى جەرلەنگەن قابىردىڭ توبەسى ويى­لىپ استىنا ءتۇسىپتى. بۇدان دا باسقا بىرنەشە ازاماتتار جاقىن­دارى­نىڭ قابىرىنە سۋ قۇيىلۋىن جاساندى كولدەن كورىپ وتىر. ال كاسىپكەر ازامات بۇ­عان ءوزىن كىنالى سانامايدى. «قابىر­لەردىڭ بۇزىلۋىنا سوڭعى كەزدەرى تولاسسىز جاۋىپ جاتقان جاڭبىر سەبەپ بولعان. مەن قولدان جا­ساعان كولدىڭ دەڭگەيى قانشا كو­تەرىلگەنىمەن, سۋ قابىرلەرگە جەت­كەن جوق. دەگەنمەن دە مولا­نىڭ ماڭىن تولىق قورشاپ, ءبو­گەپ بەرۋگە ۋادە بەرەمىن», دەي­دى ول. مىنە, وسىلايشا اۋىل تۇر­عىندارى مەن كاسىپكەردىڭ ارا­سىنداعى داۋ ازىرگە بىتەتىن ەمەس. مۇمكىن بۇل داۋدىڭ انىق-قانىعىن ارنايى ماماندار انىقتاپ, ءبىر نۇكتە قويار. شىنىندا, سوڭعى كەزدەرى وڭىردە جاۋىن كۇن سايىن جاۋىپ, ساي-سايدىڭ ءبارى سۋعا تولعانى راس. بىراق, وسى كامەنكا اۋىلىنىڭ عانا بولماسا, باسقا جاقتا مولالاردىڭ ءب ۇلىنىپ جاتقانى تۋرالى ەشتەڭە ەستىمەدىك. سوعان قاراعاندا جاقىن ماڭداعى كولدىڭ مولانىڭ ب ۇلىنۋىنە اسەرى بولۋى دا مۇمكىن. ورالحان ءداۋىت, «ەگەمەن قازاقستان» جامبىل وبلىسى