سولتۇستىك قازاقستاندا كوكتەمگى ەگىس ناۋقانى باستالدى

پەتروپاۆل. 18 مامىر. سولتۇستىك قازاقستاندا كوكتەمگى ەگىس ناۋقانى باستالدى. بۇل تۋرالى وبلىستىق اۋىل شارۋاشىلىعى باسقارماسىنىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى. بيىل ءوڭىر ديقاندارى 4 ميلليون 366 مىڭ گەكتار جەرگە اۋىل شارۋاشىلىق داقىلدارىن ەگۋدى جوسپارلاپ وتىر. «قازىرگى ۋاقىتتا 400 مىڭنان استام ەگىستىك تاناپتارعا تۇقىم ءسىڭىرىلدى. 3 ميلليون 210 مىڭ گەكتار جەردى ءداندى داقىلدار, 469,7 مىڭ گەكتاردى مايلىق داقىلدار قۇرايدى. كۇزدىك داقىلداردىڭ اۋماعى 47 مىڭ گەكتارعا ۇلعايتىلدى. تۇقىم جەتكىلىكتى. كوكتەمگى دالا جۇمىستارىنا جوعارى ءونىمدى 1140 تەحنيكا بىرلىگى جۇمىلدىرىلعان», – دەيدى وبلىستىق اۋىل شارۋاشىلىعى باسقارماسىنىڭ باسشىسى قايرات وماروۆ. ونىڭ ايتۋىنشا, وبلىس شارۋالارىندا جانار-جاعارماي ماتەريالدارىمەن بايلانىستى ەشقانداي ماسەلە جوق. بارلىعى 65 مىڭنان استام ديزەل وتىنى جەتكىزىلگەن. اگروقۇرىلىمدار جاۋاپتى ناۋقاندى اگروتەحنيكالىق شارالارعا سايكەس 5 ماۋسىمعا دەيىن اياقتاۋدى بەلگىلەپ وتىر. ءومىر ەسقالي. دەرەك, فوتو: سولتۇستىك قازاقستان وبلىستىق اۋىل شارۋاشىلىعى باسقارماسىنىڭ ءباسپاسوز قىزمەتى.