ساپاردا – «سالاماتتى قازاقستان»

قاراعاندى ستانساسىنان «سالاماتتى قازاقستان» پويىزى ءوزىنىڭ العاشقى رەيسىنە – ەلىمىزدىڭ سولتۇستىك وڭىرىندەگى تەمىرجول ستانسالارىنىڭ تۇرعىندارىنا مەديتسينالىق كومەك كورسەتۋ ءۇشىن ساپارعا اتتاندى. بۇل يگى شارا «سامۇرىق- قازىنا» اق كومپانيالار توبى مەن «Samruk-Kazyna Trust» الەۋمەتتiك جوبالار دامىتۋ قورى قولداۋىمەن ىسكە اسىرىلعان. جالپى, مەديتسينالىق پويىزدار مامىردان باستاپ تامىز ايىنا دەيىنگى ارالىقتا ەلىمىزدىڭ الىستاعى اۋدان, شالعايداعى اۋىل­دارىندا بولىپ, بولات جولدىڭ بويىنداعى تۇرعىندارعا تەگىن مەديتسينالىق قىزمەتتەر كورسەتەدى. اۋىل حالقى بۇل اكتسيا بارىسىندا 18 دارىگەرلىك ماماندىقتار بويىنشا دياگنوستيكالىق تەكسەرىستەن وتەدى. پويىز زاماناۋي ديا­گ­نوس­تي­كا­­لىق جانە ەمدەۋ جاب­دىق­­­­تارى, شاعىن-وپەراتسيالىق بولمە, عالامتور مەن تەلەكوممۋني­كاتسيا قۇرالدارىنا قوسىلعان زەرت­حانامەن جاب­دىقتالعان. مەدي­تسينا­لىق بريگادا قۇرامىندا جوعارى بىلىكتى دارىگەرلەر, تەراپەۆت, پەدياتر, كوز دارىگەرى, قۇلاق-مۇرىن, كومەكەي اۋرۋلارىنىڭ مامانى, گينەكو­لوگ, حيرۋرگ, ۋرولوگ, ماممولوگ, تiس دارiگەرi بار. «مەديتسينا پويىزى» جوباسى اياسىندا ەلىمىزدىڭ ءار قيىرىنا «سالاماتتى قازاقستان», «جاردەم» جانە «دەنساۋلىق» دەپ اتالعان پويىزدار اتتانادى. مىسالى, «سالاماتتى قازاقستان» پويىزى 2016 جىلدىڭ 10 مامىرىنان 11 شىلدەگە دەيىن سولتۇستىك ءوڭىردى ارالاسا, باتىس وڭىرىندە «جاردەم» پويىزى 23 مامىردان 25 شىلدەگە دەيىن بولادى. ال وڭتۇستىك ايماقتا «دەنساۋلىق» پويىزى 10 ماۋسىمنان 11 تامىزعا دەيىن تۇرعىندارعا مەديتسينالىق قىزمەت كورسەتپەك. ايتا كەتەتىن جايت, بۇل جوبا 2010 جىلدان باستاپ جۇزەگە اسىرىلىپ كەلەدى. اكتسيا اياسىندا 2010 جىلدان 2015 جىلعا دەيiن مەديتسينالىق پويىز 900-دەن استام ستانسالاردى قامتىپ, 280 مىڭنان استام ادامعا مەديتسينالىق بىلىكتى كومەك كورسەتتى. جالپى العاندا, تەمىرجولدىڭ بويىندا تۇراتىن, ۇلكەن قالالارعا بارىپ دارىگەرگە كورىنۋگە ۋاقىتى مەن قالتاسى كوتەرە بەرمەيتىن حالايىق بۇل جوباعا ءدان ريزا. قايرات ءابىلدينوۆ, «ەگەمەن قازاقستان» قاراعاندى