جامبىل وبلىسىندا 220 تۇلەك «التىن بەلگىگە» ۇمىتكەر بولدى

تاراز. 16 مامىر. بيىل جامبىل وبلىسىندا 44 مەكتەپ ءبىتىرۋشى حالىقارالىق وليمپيادالار مەن عىلىمي جوبالارىنىڭ جەنىمپازدارى رەتىندە ۇلتتىق بىرىڭعاي تەستىلەۋدى تاپسىرۋدان بوساتىلادى. بۇل تۋرالى egemen.kz ءتىلشىسى حابارلادى. 220 وقۋشى «التىن بەلگىگە», 84 وقۋشى ۇزدىك اتتەستاتقا ۇمىتكەر. 64 مەكتەپ ءبىتىرۋشى مەملەكەتتىك گرانت يەگەرلەرى. 2496 مەكتەپ ءبىتىرۋشى ءداستۇرلى ەمتيحاندار تاپسىرادى. اۋدانداردا مەكتەپ بىتىرۋشىلەردىڭ ۇلتتىق بىرىڭعاي تەستىلەۋىن ۇيىمداسقان تۇردە وتكىزۋ ءۇشىن ولاردىڭ تاماقتانۋىنا, تاسىمالداۋىنا جانە جاتىن ورنىنا 16 ملن 990 مىڭ تەڭگە بولىنگەن. ۇلتتىق بىرىڭعاي تەستىلەۋ تاپسىراتىن 6065 مەكتەپ ءبىتىرۋشىنىڭ 3295-ءى (54,32 پايىز) تاسىمالداۋدى قاجەت ەتەدى. ۇبت-دە جوعارى ناتيجە كورسەتكەن تاراز قالاسىنداعى №1, 40, 41, 45 گيمنازيالارى مەن وبلىستىق دارىندى بالالارعا ارنالعان 3 مەكتەپ-ينتەرناتتىڭ بازاسىندا مەكتەپ ديرەكتورلارى مەن ورىنباسارلارىنا, ءپان مۇعالىمدەرىنە ارنالعان ادىستەمەلىك كومەك كورسەتىلىپ, اتالعان مەكتەپتەردىڭ ۇبت-گە دايىنداۋداعى وزىق ءىس-تاجىريبەلەرى تاراتىلدى. سونداي-اق, وقۋ جىلى ىشىندە ۇلتتىق بىرىڭعاي تەستىلەۋگە دايىنداۋ ساپاسىن جاقسارتۋ ماقساتىندا 12 پەداگوگيكالىق دەسانت, 11 كوۋچينگ-سەسسيا, 3 عىلىمي-پراكتيكالىق كونفەرەنتسيا, 78 سەمينار-ترەنينگتەر, ونلاين رەجيمىندە ۇبت تاپسىراتىن نەگىزگى پاندەردەن ينتەراكتيۆتى ساباقتار اپتالىعى وتكىزىلىپ, وعان جوعارى سىنىپتاردا ساباق بەرەتىن 13460 (60,2 پايىز) پەداگوگ قامتىلدى. مەكتەپ بىتىرۋشىلەردىڭ ۇبت-گە دايىندىعىن انىقتاۋ, ولاردىڭ ءبىلىم دەڭگەيلەرىن تاۋەلسىز باعالاۋ ماقساتىندا وبلىس مەكتەپتەرىندە 11-ءشى سىنىپتا وقيتىن وقۋشىلاردان  رەسپۋبليكالىق USTADI ون-لاين تەستىلەۋ  ورتالىعى,   EDTECH-KZ حالىقارالىق ءبىلىم ورتالىعى   ارقىلى بايقاۋ تەستتەرى الىندى. سونىمەن قاتار وبلىس ورتالىعىندا ورنالاسقان م.ح.دۋلاتي اتىنداعى تاراز مەملەكەتتىك ۋنيۆەرسيتەتى, تاراز مەملەكەتتىك پەداگوگيكالىق ينستيتۋتى, تاراز يننوۆاتسيالىق-گۋمانيتارلىق ۋنيۆەرسيتەتى اۋداندار مەن تاراز قالاسىنداعى ۇبت قورىتىندىسى بويىنشا تومەن ناتيجە كورسەتكەن مەكتەپتەردى قامقورلىقتارىنا الىپ, جۇيەلى  جۇمىستار جۇرگىزۋدە. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگ بارىسىندا جامبىل وبلىسى اكىمدىگىنىڭ ءبىلىم باسقاراماسى باسشىسىنىڭ ورىنباسارى ءجاميلا بەكباتىروۆا مالىمدەدى. ورالحان ءداۋىت. دەرەك, فوتو: egemen.kz