تارازدا دۋلاتي وقۋلارى ءوتتى

تاراز. 16 مامىر. م.ح.دۋلاتي اتىنداعى تارمۋ-دىڭ ۇيىمداستىرۋىمەن «م.ح.دۋلاتي جانە تۇركى الەمى» تاقىرىبىندا «ءىح دۋلاتي وقۋلارى» حالىقارالىق عىلىمي-پراكتيكالىق كونفەرەنتسياسى ءوتتى. بۇل تۋرالى تارمۋ-نىڭ مەديا قىزمەتىنىڭ اقپارى بويىنشا egemen.kz ءتىلشىسى حابارلادى. ەل تاۋەلسىزدىگىنىڭ 25 جىلدىعىنا وراي ۇيىمداستىرىلعان كونفەرەنتسيا جۇمىسىنا بيىلعى جىلى دا الىس – جاقىن شەت ەلدىڭ عالىمدارى بەلسەنە قاتىسىپ, دۋلاتيدىڭ ءومىرى مەن سوڭىنا قالدىرعان مۇراسى جونىندەگى تىڭ دەرەكتەرمەن ءبولىستى. «ورتا عاسىرداعى قازاق تاريحىنىڭ كورنەكتى وكىلى, مۇحاممەد حايدار دۋلاتيدىڭ ماڭگىلىك جاسايتىن عاجايىپ باي مۇرالارىنا سوڭعى جىلدارى ارنالعان, كوپتەگەن قۇندى زەرتتەۋ ەڭبەكتەرى, جەكەلەگەن ماقالالار جازىلدى. بۇل باعىتتاعى جۇمىستارعا عۇلامانىڭ ەسىمىن يەلەنۋشى تاراز مەملەكەتتىك ۋنيۆەرسيتەتى دە وزىندىك دەڭگەيدە ناتيجەلى جۇىستار اتقارۋدا جانە الداعى ۋاقىتتا دا جاڭا عىلىمي ىزدەنىستەرگە ىقپال جاساي بەرمەك»,  دەدى كونفەرەنتسيادا ءسوز العان ۋنيۆەرسيتەت رەكتورى,  پروفەسسور ماحمەتعالي سارىبەكوۆ. پلەنارلىق ماجىلىستە «م.ح.دۋلاتيدىڭ ۇندىستانداعى زەرتتەۋشىسى» تاقىرىبىندا بايانداما جاساعان ر.سۇلەيمەنوۆ اتىنداعى شىعىستانۋ ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور ءابساتتار دەربىسالى ۇلى تاريحشى مۇراسىن ءۇندى ەلىندە زەرتتەپ جۇرگەن عۇلامالار جايىندا ءسوز قوزعادى. «بۇگىندە ءۇندىستاندا دۋلاتيتانۋ باعىتىندا زەرتتەۋ جۇرگىزىپ جۇرگەن 3 عالىمدى جاقىن بىلەمىن. سونىڭ ءبىرى مانسۋرا حايدار حىنىم. ونىڭ ەڭبەكتەرىندە م.ح.ءدۋلاتيدىڭ تۇلعالىق قىرى تولىق سيپاتتالعان», دەيدى ءابساتتار دەربىسالى. وسىمەن توعىزىنشى جىل قاتارىنان كونفەرەنتسيا جۇمىسىنا قاتىسىپ, اركەز دۋلاتي باعىتىنداعى تىڭ دەرەكتەرىمەن ءبولىسىپ, جۇرگەن ءابساتتار باعىسباي ۇلىنا  ۋنيۆەرسيت رەكتورى ماحمەتعالي سارىبەكوۆ تارمۋ-دىڭ «قۇرمەتتى پروفەسسور» اتاعىن بەرىپ, ۇزدىك جەتىستىكتەرى ءۇشىن «دۋلاتي» ءتوس بەلگىسىمەن ماراپاتتادى. پلەنارلىق ءماجىلىس بارىسىندا شىڭعىسحان اۋلەتىنىڭ شەجىرەلىك دەرەكتەرى تۋرالى زەرتتەۋلەرى مەن بولىسكەن تاريح عىلىمدارىنىڭ دوكتورى, پروفەسسور, ءال-فارابي اتىنداعى قازۇۋ جانىىىنداعى ورتالىق ازياداعى ءداستۇرلى وركەنيەتتەردى زەرتتەۋ ورتالىعىنىڭ ديرەكتورى, قر ۇعا قۇرمەت اكادەميگى تالاس وماربەكوۆ ورتا عاسىرداعى قازاقستان تاريحىنىڭ ءالى دە جاڭا دەرەكتەرمەن تولىعا بەرەتىندىگىن ايتتى. ءوز كەزەگىندە, بەلگىلى دۋلاتيتانۋشى مۇحتار قازىبەك م.ح.ءدۋلاتيدىڭ «تاريح-ي-راشيدي» ەڭبەگىن اۋدارۋ ماسەلەسىنە نازار اۋداردى. بايانداما سوڭىندا م.ح.دۋلاتي «تاريحي-راشيدي» (حاق جولىنداعىلار تاريحى) كىتابىنىڭ تۇساۋى كەسىلدى. پلەنارلىق ءماجىلىستىڭ سوڭىندا دۋلاتي مۇراسىنىڭ تاريحي, ادەبي جانە ساياسي-اللەۋمەتتىك ماڭىزى جونىندە تاريحشى–ادەبيەتشى عالىمدار ءوز زەرتتەۋلەرىن ورتاعا سالدى. ورالحان ءداۋىت. دەرەك, فوتو: egemen.kz