ەربولات دوساەۆ «بايتەرەك» حولدينگىنىڭ باسقارما توراعاسى بولىپ تاعايىندالدى

استانا. 16 مامىر. ەلىمىزدىڭ بۇرىنعى ۇلتتىق ەكونوميكا ءمينيسترى ەربولات دوساەۆ «بايتەرەك» ۇلتتىق باسقارۋشى حولدينگى باسقارماسىنىڭ توراعاسى بولىپ تاعايىندالدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. حولدينگ باسشىسىن ۇجىمعا بۇگىن پرەمەر-مينيستر كارىم ءماسىموۆ تانىستىردى. ەربولات دوساەۆ 1970 جىلى 21 مامىردا الماتىدا تۋعان. ن.باۋمان اتىنداعى ماسكەۋ جوعارى تەحنيكالىق ۋچيليششەسىن, الماتى ەنەرگەتيكالىق ينستيتۋتىن بىتىرگەن «تۇران الەم بانكى», «اتف بانك» جابىق اكتسيونەرلىك قوعامى باسقارمالارى توراعاسىنىڭ ورىنباسارى, قىزمەتتەرىن اتقاردى. پرەمەر-ءمينيستردىڭ كەڭەسشىسى, ەنەرگەتيكا, يندۋستريا جانە ساۋدا ۆيتسە-ءمينيسترى, قارجى ۆيتسە-ءمينيسترى, قازاقستان دامۋ بانكى ديرەكتورلار كەڭەسىنىڭ توراعاسى, تابيعي مونوپوليالار, باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ توراعاسى, قارجى ءمينيسترى, قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى, ۇلتتىق بانكىنىڭ باسقارما مۇشەسى, دەنساۋلىق ساقتاۋ ءمينيسترى, «قازينۆەستبانك» اكتسيونەرلىك قوعامى ديرەكتورلار كەڭەسىنىڭ توراعاسى بولدى. 2012 جىلعى 25 قىركۇيەكتەن ەكونوميكالىق دامۋ جانە ساۋدا ءمينيسترى, ەكونوميكا جانە بيۋدجەتتىك جوسپارلاۋ ءمينيسترى قىزمەتتەرىن اتقاردى. ول سونداي-اق, ۇلتتىق ەكونوميكا مينيسترلىگىن باسقاردى. تالعات رايىمبەك. دەرەك: inform.kz. فوتو: 365info.kz.