پرەزيدەنت اكىمشىلىگىنىڭ باسشىسى نۇرلان نىعماتۋلين پارلامەنت سەناتى دەپۋتاتتارىنا قازاقستان رەسپۋبليكاسىنىڭ باس پروكۋرورى لاۋازىمىنا ج.اسانوۆتىڭ كانديداتۋراسىن ۇسىندى, دەپ حابارلادى پرەزيدەنتتىڭ ءباسپاسوز قىزمەتى.
ن.نىعماتۋلين 25 ساۋىردە ا.داۋىلباەۆتىڭ باسقا جۇمىسقا اۋىسۋىنا بايلانىستى مەملەكەت باسشىسىنىڭ جارلىعىمەن باس پروكۋرور لاۋازىمىنان بوساتىلعانىن, سوعان وراي قازاقستان پرەزيدەنتى ەل كونستيتۋتسياسىنا سايكەس ۆەدومستۆونىڭ جاڭا باسشىسىنىڭ كانديداتۋراسىن كەلىسۋ ءۇشىن پارلامەنت سەناتىنا ۇسىناتىنىن اتاپ ءوتتى.
وسىعان بايلانىستى پرەزيدەنت اكىمشىلىگىنىڭ باسشىسى مەملەكەت باسشىسىنىڭ ۇسىنىمىن وقىپ, ج.اسانوۆتىڭ جۇمىس تاجىريبەسى مول ەكەنىن, پروكۋراتۋرا ورگاندارىنىڭ بارلىق دەڭگەيىندەگى لاۋازىمدارىندا بولعانىن, پرەزيدەنت اكىمشىلىگىندە جانە ادىلەت مينيسترلىگىندە قىزمەت اتقارعانىن اتاپ ءوتتى. ماجىلىستەگى زاڭ شىعارۋ جۇمىسىنان تاجىريبەسى بار ەكەنىن جانە سوڭعى ءۇش جارىم جىلدا باس پروكۋروردىڭ ورىنباسارى بولعانىن ايتتى.
ج.اسانوۆتىڭ كانديداتۋراسى سەنات دەپۋتاتتارىنىڭ باسىم كوپشىلىگىنىڭ داۋىسىمەن بەكىتىلدى.