ۇكىمەت وتىرىسىندا قاراعاندى وبلىسىنىڭ اكىمى ەرماعانبەت بولەكپاەۆ 10 تەمىرجول ۆوكزالى جانە 4 پلاتفورما جاڭعىرتىلىپ جاتقانىن, بارلىق نىسانداردا قۇرىلىس-مونتاجداۋ جۇمىستارى 94%-عا اياقتالعانىن مالىمدەدى, دەپ حابارلايدى Egemen.kz.
ايماق باسشىسىنىڭ ايتۋىنشا, حالىقتىڭ از قوزعالاتىن توپتارىنىڭ قاجەتتىلىكتەرى ەسكەرىلە وتىرىپ, قۇرىلىس جۇمىستارىن 5 مەردىگەر ۇيىم ورىنداپ جاتىر, وعان 120 جۇمىسشى جۇمىلدىرىلعان.
ەلىمىزدە 30 تەمىرجول ۆوكزالى جاڭارتىلدى
بۇگىندە 8 ۆوكزال مەن پلاتفورما بويىنشا مەملەكەتتىك ساراپتامانىڭ وڭ قورىتىندىسى بار. تاعى 6 جوبا ساراپتامادان ءوتىپ جاتىر. ولاردىڭ قورىتىندىلارى جوسپارلى تۇردە شىلدە ايىندا شىعادى. قارجىلاندىرۋ ماسەلەسى تولىعىمەن شەشىلىپ وتىر.
«جوبالاردى جۇزەگە اسىرۋ ۇدەرىسى تۇراقتى باقىلاۋعا الىنعان. «قازاقستان تەمىر جولى» ۇلتتىق كومپانياسىمەن بىرلەسىپ, رەكونسترۋكتسيا بارىسىندا تۋىندايتىن ماسەلەلەردى جەدەل شەشۋدەمىز. بارلىق نىساندار بويىنشا قۇرىلىس-مونتاج جۇمىستارىن وسى جىلدىڭ شىلدە ايىندا اياقتاۋدى جوسپارلاپ وتىرمىز», دەدى وبلىس اكىمى.
بۇدان بىرەر اي بۇرىن تەمىرجول ۆوكزالدارىن جاڭعىرتۋ قارقىنىن ۇكىمەت باسشىسى سىنعا العانى تۋرالى حابارلاعان ەدىك.