پەتروپاۆل قالاسىندا «قىزىلجار» مەشىتى يمامىنىڭ اقشاسىن ۇرلاعان بويجەتكەنگە سوت ۇكىمى شىقتى, دەپ حابارلايدى Egemen.kz.
20 جاستاعى قىز يمامنىڭ كابينەتىنە كىرىپ, سىرت كيىمنىڭ قالتاسىنان 36 500 تەڭگە الىپ كەتكەن. كەيىن ونىڭ ارەكەتى بەينەباقىلاۋ كامەرالارىنا ءتۇسىپ قالىپ, قۇقىق قورعاۋ ورگاندارى كۇدىكتىنى تەز ارادا انىقتادى.
سوتتا ول ءوز كىناسىن مويىنداپ, جابىرلەنۋشىدەن كەشىرىم سۇرادى. يمام وعان كەشىرىم بەرىپ, باس بوستاندىعىنان ايىرۋ جازاسىن قولدانباۋدى وتىنگەن.
سوت ايىپتالۋشىنىڭ بۇرىن ءىستى بولماعانىن, كىشكەنتاي بالاسى بار ەكەنىن ەسكەرىپ, 1,5 جىل شارتتى جازا تاعايىندادى. سونىمەن قاتار ول وتەماقى قورىنا شامامەن 65 مىڭ تەڭگە تولەۋگە مىندەتتەلدى.
پەتروپاۆلدا پاتەر ۇرىسى بەينەباقىلاۋدىڭ ارقاسىندا قولعا ءتۇستى
ەسكە سالا كەتەيىك, جىل باسىندا الماتى قالاسىنا قاراستى الاتاۋ اۋداندىق پوليتسيا باسقارماسىنىڭ قىزمەتكەرلەرى مەشىتتەردە جاسالعان بىرقاتار ۇرلىق دەرەگىن اشكەرەلەگەن بولاتىن. كۇدىكتى رەتىندە ەر ادام ۇستالىپ, ونىڭ ناماز ۋاقىتىندا ۇيالى تەلەفون, ءاميان جانە وزگە دە جەكە زاتتاردى جاسىرىن تۇردە ۇرلاعانى انىقتالدى.