قاۋىپتى ارەكەت

اقتاۋدا قونعالى كەلە جاتقان اۋە كەمەسىنىڭ ۇشقىشىنىڭ كوزىنە لازەر ساۋلەسى تۇسىرىلگەن اقتاۋ حالىقارالىق اۋە­جايىنا قونعالى جاتقان «ەير استانا» كومپانياسىنا تيەسىلى كس-313 ۇشاعىندا كۇتپەگەن وقيعا بولدى. ول جاسىل ءتۇستى لا­زەرلىك ساۋلەمەن كوزىنىڭ تۇم­شالانعانىن حابارلاعان. – ۇشقىشتىڭ ايتۋىنشا, اۋەجاي سىرتىنداعى دالادان ءتۇ­سىرىلگەن لازەردىڭ اسەر ەتۋ كۇ­شى وتە جوعارى بولعان. بۇل قا­­ۋىپتى ارەكەت. ويتكەنى, ونداي جاعدايدا ادام اينالاسىن ءبىر­نەشە سەكۋندقا دەيىن باع­دارلاي الماي قالادى. ۇشاقتىڭ قونۋ, ۇشۋ ساتىندە بۇل سەكۋندتار وتە ماڭىزدى. سوعان وراي, ءبىز اۋەجاي ايماعىنداعى تۇر­عىن­­داردىڭ جاقسىلاپ ويلانۋىن سۇرايمىز, – دەيدى «اقتاۋ حا­­لىقارالىق اۋەجايى» اق اتقا­رۋشى ديرەكتورى ەرعازى جولداسوۆ. ونىڭ ايتۋىنشا, مۇنداي جاعداي اقتاۋ اۋەجايىندا وسى­مەن ەكىنشى رەت قايتالانىپ تۇر ەكەن. العاشقى وقيعادا دا «ەير استانا» كومپانياسى­نىڭ ۇشاعىنا لازەر ساۋلەسى تۇسكەندىكتەن, اۋەجاي باس­شى­لىعى پوليتسياعا ارىز جاز­عان­مەن, بۇزاقىلاردى تابۋ ءمۇم­كىن بولماعان. تەنتەكتەردىڭ «ەرمەگى» ورا­سان اپاتقا ۇرىندىرىپ ءجۇر­مەسىنە كىم كەپىل؟ سون­دىق­تان, قاۋىپسىزدىك ءۇشىن اۋە­جاي ماڭىندا كەڭ اۋقىمدى شا­رالار قاجەت-اق. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى