استانا. 13 ءساۋىر. استاناداعى دەمالىس ورىندارىنىڭ بىرىنە اينالعان «دۋمان» ويىن-ساۋىق ورتالىعى ساتىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. ەلوردا تۇرعىندارى مەن قوناقتارىنىڭ سۇيىكتى دەمالىس ورنىنا اينالعان كەشەن ەلەكتروندى ساۋدا ارقىلى 3 ملرد 403 ملن 500 مىڭ تەڭگەگە ءوتتى. وتىز مىڭ شارشى مەترگە جۋىق اۋماقتى الىپ جاتقان نىسانعا يەلىك ەتۋگە ەكى ءوتىنىش تۇسكەن. بۇعان دەيىن ول استانا اكىمدىگى كوممۋنالدىق م ۇلىك جانە مەملەكەتتىك ساتىپ الۋ باسقارماسىنىڭ ەسەبىندە تۇرعان. بايقاۋ شارتتارىنا سايكەس, «دۋماننىڭ» كوڭىل-كوتەرۋ قىزمەتتەرى كەمىندە 10 جىلعا ساقتالۋى ءتيىس. وكەاناريۋم سونشا ۋاقىت قىزمەت ەتۋى شارت. ال جاساندى تەڭىز بەن نىساننىڭ ءوزى جاڭارتىلىپ, شاتىرى جوندەلۋى قاجەت. «قازىر ساتىپ الۋ كەلىسىمشارتىنا قول قويىلىپ جاتىر. اياقتالعاننان كەيىن العان ادام ءوز اتىنا تىركەيدى. ەكى كومپانيا ءوتىنىش ءبىلدىرىپ, باعانى جوعارى قويعان ادامعا ويىن-ساۋىق ورتالىعى ساتىلدى. ايتا كەتەيىك, ەل ۇكىمەتى 2016-2020 جىلدارعا جەكەشەلەندىرۋدىڭ كەشەندى جوسپارىن قۇرىپ, ساتىلىمعا قويىلاتىن ۇلتتىق حولدينگتەر مەن ءىرى كومپانيالاردىڭ ءتىزىمىن جاريالاعان بولاتىن», – دەدى استانا قالاسى كوممۋنالدىق م ۇلىك جانە مەملەكەتتىك باسقارۋ باسقارماسىنىڭ ءبولىم باسشىسى ۇلان قۇدايبەرگەن. تالعات رايىمبەك. دەرەك: 24.kz. فوتو: friends.kz.