حالىقارالىق اۆياتسيا جانە عارىشكەرلەر كۇنىنە وراي استانا قالاسى ورتالىقتاندىرىلعان كىتاپحانالار جۇيەسىنە قاراستى №3 بالالار كىتاپحاناسىندا «قازاق جەرىندەگى عارىش قاقپاسى» اتتى تاريحي-تانىمدىق ساعات ءوتتى. بۇل شاراعا قالالىق №15 مەكتەپ-ليتسەيدىڭ وقۋشىلارى قاتىستى.
قازاق دالاسى عارىشقا اشىلعان تۇڭعىش قاقپا دەسەك, ەش قاتەلەسپەيمىز. ويتكەنى, وسىدان 60 جىلداي بۇرىن, ناقتىلاساق, 1955 جىلى 12 اقپاندا كسرو جوعارى كەڭەسى عارىش كەڭىستىگىن يگەرۋ ءۇشىن قازاقستان جەرىنە «بايقوڭىر» عارىش ايلاعىن سالۋ جايلى شەشىم قابىلداعان ەدى. ءناتيجەسىندە, 1961 جىلدىڭ 12 ءساۋىرىندە كەڭەس وداعىنىڭ ازاماتى يۋري الەكسەەۆيچ گاگارين العاش بولىپ عارىشقا جول اشتى.
بيىل وسى وقيعاعا 55 جىل تولسا, قازاقتىڭ تۇڭعىش عارىشكەرى توقتار اۋباكىروۆتىڭ اسپان كەڭىستىگىن باعىندىرعانىنا 25 جىل بولادى ەكەن. وسىلاي ءساتتى ساباقتاسقان تاريحي داتالى وقيعالار جايلى كىتاپحاناشى توتى تۇردىحانقىزى شاراعا قاتىسۋشى شاكىرتتەرگە دەرەكتى قۇجاتتاردى پايدالانا وتىرىپ, قىزىقتى مالىمەتتەردى اڭگىمەلەپ بەردى.
شارا سوڭىندا, مەكتەپ تۇلەكتەرى ارنايى ۇيىمداستىرىلعان كىتاپ كورمەسىمەن تانىسىپ, عارىشكەرلەر ومىرىنەن ارنايى دايىندالعان سلايد ساباعىن تاماشالادى.
«ەگەمەن-اقپارات».