شىمكەنتتەگى دۇكەندە تەگىن نان بەرىلەدى

شىمكەنت. 17 ناۋرىز. شىمكەنتتەگى 11-ءشى ىقشام اۋدانىنداعى «مادينا» دۇكەنىندە نان تەگىن بەرىلەدى. بۇل تۋرالى ەgemen.kz ءتىلشىسى حابارلادى. جالپى وبلىستا «تەگىن نان» اكتسياسى ءجۇرىپ جاتىر. نەگىزىنەن بۇل ناندار تۇرمىس جاعدايى ناشار وتباسىلارعا كومەك رەتىندە بەرىلەدى. ساتۋشىلار ەشقانداي قۇجات كورسەتپەي-اق تەگىن نان الۋعا بولاتىندىعىن ايتادى. الايدا, ىنساپسىز ادامدار بولماسا ءوزىنىڭ جاعدايى بولا تۇرا تەگىن نانعا قول سوزبايدى. «مادينا» تەگىن نان بوساتىپ جاتقان جالعىز دۇكەن ەمەس. شىمكەنتتە بۇل باستامانى قاڭتار ايىندا ءبىر دۇكەن باستاپ, ءار جۇما سايىن تەگىن نان تاراتىپ كەلگەن. «قايىرىمدى ىستەر ادامدى ءتۇرلى قاۋىپ-قاتەردەن ساقتايدى» دەيدى حاديستا. شىمكەنتتىك كاسىپكەرلەر وسىنداي ساۋاپتى ءىستى قولعا الدى. باقتيار تايجان. دەرەك, سۋرەت: egemen.kz