سيرەك داۋىس يەسى

ديماش قۇدايبەرگەنوۆ ماسكەۋدىڭ كرەمل سارايىندا ونەر كورسەتپەك ۆيتەبسكىنىڭ «سلاۆيان بازارى-2015» حالىقارالىق بايقاۋىنان جەڭىمپاز بولىپ ورالعان ديماش قۇدايبەرگەنوۆتىڭ كەيبىر جارىستان ولجامەن ورالعان جاستاردىڭ قالىڭ ءنوپىردىڭ اراسىنا ءسىڭىپ, بىرازعا دەيىن ءۇنى شىقپاي قالاتىنى سياقتى ەمەس, كەرىسىنشە, سول باسەكەدەن كەيىن تانىمالدىعى ودان سايىن ارتا ءتۇستى. «شىعىس بازارى» جانە «مەي­كين ازيا» بايقاۋلارىنىڭ گران-ءپريىن يەلەنگەن قازاقتىڭ قارشاداي بالاسى تۋرالى جا­قىندا كەي باسىلىمدار: «دي­ماش قۇدايبەرگەنوۆ ايتۋلى «ەۋروۆيدەنيە» بايقاۋىنا قاتىسۋعا دايىندالىپ جاتىر ەكەن» دەپ ءبىراز دۇرلىكتى. «قازاقستاننان ازىرگە «ەۋروۆيدەنيەگە» ەشكىم قاتىسپايدى. الايدا, سوعان قارا­ماستان ۇيىمداستىرۋشىلارعا ارنايى ءوتىنىشىمىزدى بەردىك. قازاق ۇلت­تىق ونەر ۋنيۆەرسيتەتىنىڭ ستۋدەنتى بولعاندىقتان, دي­ماشتىڭ الەمدىك دەڭگەيدەگى مۇنداي الاڭعا شىعۋى ءبىر جا­عىنان ءبىزدىڭ وقۋ ورنىمىز ءۇشىن دە ۇلكەن ابىروي سانالادى. «سلاۆيان بازارى» كونكۋرسى ونى ەۋروپاعا تانىمال ەتسە, مىناداي ءىرى دودادا دا ەشكىمگە ەسە جىبەرمەسىنە, جۇلدەمەن ورالارىنا سەنىمدىمىن», دەگەن بولاتىن ول تۋرالى ۋنيۆەرسيتەت رەكتورى ايمان مۇساقوجاەۆا. سونىمەن قاتار, ديماش قۇداي­بەر­گەنوۆتىڭ « ۇلىبريتانيا داۋىسى» جانە «اقش داۋىسى» بايقاۋلارىنا قا­تىسۋعا نيەت ءبىلدىرۋى جاس انشىگە دەگەن سۇيىسپەنشىلىكتى ودان بەتەر ەسەلەي تۇسكەن. ەندى, مىنە, تاعى ءبىر تىڭ جاڭالىق. ول جاقىندا رەسەيدىڭ ەس­ترادالىق جۇلدىزدارىمەن بىرگە كرەمل­دەر سارايىندا ونەر كورسەتپەك. ايتۋلى ونەر ساحناسىندا وتە­تىن 8 ناۋرىز – حالىقارالىق ايەلدەر كۇنى مەرەكەسىنە وراي ۇيىمداستىرىلاتىن 10 جىلدىق تاريحى بار ءداستۇرلى «ۆسە زۆەزدى دليا ليۋبيموي» جوباسىنىڭ ۇيىمداستىرۋشىلارى بيىل تۇڭ­عىش رەت قازاقستاندىق ءانشىنى اتالمىش كەشكە شاقىرىپ وتىر. لەۆ لەششەنكو, ۆالەري مەلادزە, نيكولاي باسكوۆ, لەونيد اگۋتين, انجەليكا ۆارۋم, سەرگەي لازارەۆ, كريستينا ورباكايتە قاتىساتىن وسى كەشتە د.قۇدايبەرگەنوۆ ەكى ءان ورىنداماق. ورىس ەستراداسىنىڭ تانىمال جۇلدىزدارىمەن تەرەزەسى تەڭەسكەن قازاق بالاسىنىڭ ونەر­دەگى قادامدارى بۇدان دا بيىكتەپ, وركەندەي بەرۋىن تىلەيمىز. «ەگەمەن-اقپارات».