الماتى. 22 اقپان. قازاق مەملەكەتتىك قىزدار پەداگوگيكالىق ۋنيۆەرسيتەتى وتكەن عاسىردىڭ جەتپىسىنشى جىلدارى اتى دۇركىرەپ شىققان «ايگۇل» ۆوكالدى-اسپاپتىق ءانسامبلىنىڭ ءانشىسى, ۇلاعاتتى ۇستاز گالينا قارامولداەۆانىڭ 70 جىلدىق مەرەيتويى مەن ۇستازدىق قىزمەتىنىڭ 50 جىلدىعىن اتاپ ءوتتى. بۇل تۋرالى egemen.kz ءتىلشىسى حابارلادى.
قىزدار ۋنيۆەرسيتەتىندە وتكەن ايتۋلى شاراعا مۇحتار اۋەزوۆ اتىنداعى اكادەميالىق دراما تەاترىنىڭ ارتىستەرى مەن تەمىربەك جۇرگەنوۆ اتىنداعى ونەر اكادەمياسىنىڭ ستۋدەنتتەرى دە قوسىلدى.
«ايگۇل» ۆوكالدى-اسپاپتىق ءانسامبىلىنىڭ مۇشەسى گالينا قارامولداەۆا قۇراممەن بىرگە «گۇلدەرايىم», «تەك قانا قىزدار», «قاماجاي», «قاراكوزايىم», «الماتىنىڭ الماسى», «بارىنەن دە سەن سۇلۋ» سىندى ادەمى اندەردى شارىقتاتا شىرقاعان.
كەزىندە انسامبل قىزدارىنىڭ ەسىمدەرى رەسپۋبليكاعا تانىمال بولۋىمەن قاتار, وزگە ەلدەرگە دە بىرنەشە مارتە گاسترولدىك ساپارمەن بارعان. سونىمەن قاتار, گالينا قارامولداەۆا مەن انسامبل قۇرامىنداعى اعايشا يساعۇلوۆا ەكەۋى جۇپ بولىپ, «قوس قارلىعاش» دەگەن اتپەن حالىق جۇرەگىنەن ورىن الدى. ءوز كەزىندە جوعارى باعاعا يە بولعان بۇل ءانسامبلدىڭ بۇگىندە اتى التىن ارىپتەرمەن ساقتاۋلى.
ايناش ەسالي.
دەرەك, سۋرەت: egemen.kz.