الماتى. 17 اقپان. گەرمانيانىڭ ميۋنستەر قالاسىندا ءوتىپ جاتقان Klang Zeit Münster حالىقارالىق كلاسسيكالىق مۋزىكا فەستيۆالىندە 17 جاستاعى قازاق كومپوزيتورى ءارى پيانينوشى راحات-بي ابدىساعين جەكە كونتسەرت قويدى. بۇل تۋرالى egemen.kz ءتىلشىسى حابارلادى.
الەمگە تانىمال فەستيۆال تاريحىندا تۇڭعىش رەت قازاقستان وكىلى ونەر كورسەتىپ, جاس كومپوزيتور Painting in sounds («اۋەندەگى سۋرەت») اتتى ءوزىنىڭ ءتول شىعارماسىن ورىندادى. وسىلايشا, قازاقستاندىق جاس تالانتتىڭ كومپوزيتسياسى قازىرگى زامانعى مياكو كۋبو, دجەففري چينگ, گيۋنتەر بەكەر سياقتى تانىمال كومپوزيتورلاردىڭ شىعارمالارىمەن قاتار ورىندالدى.
كلاسسيكالىق مۋزىكانىڭ حالىقارالىق سىنشىلارى مەن نەمىس كورەرمەندەرى راحات-بي ابدىساعيننىڭ شىعارماسىنا جانە مۋزىكالىق كومپوزيتسيانىڭ ورىندالۋ شەبەرلىگىنە جوعارى باعا بەرىپ, قازاقستاندىق كلاسسيكالىق مۋزىكا مەكتەبىنىڭ وكىلدەرىنىڭ جەتىستىگىنە دۋىلداتا قول سوقتى.
ميۋنستەردە Klang Zeit Münster حالىقارالىق توعىزىنشى كلاسسيكالىق مۋزىكا فەستيۆالىنىڭ بيىلعى باستى جاڭالىعى – راحات-بي ابدىساعيننىڭ جەكە كونتسەرتى بولعانى داۋسىز.
تالعات ءسۇيىنباي.
دەرەك, سۋرەت: egemen.kz.