«نۇر وتان» پارتياسىنىڭ سايلاۋالدى شتابتارىنىڭ قوعامدىق قابىلداۋ بولمەلەرىنىڭ جۇمىسى تۋرالى ايماقتارمەن سەلەكتورلىق وتىرىس وتكىزىلدى. ءىس-شاراعا رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى ابىلايحان وسپانوۆ, قابىلداۋ بولمەسى مەڭگەرۋشىسىنىڭ ورىنباسارى جۇماجان جۇكەنوۆ, پارتيانىڭ ورتالىق اپپاراتى زاڭ قىزمەتىنىڭ كونسۋلتانتى ارنۇر شەگيباەۆ جانە ايماقتىق قوعامدىق قابىلداۋ بولمەلەرىنىڭ مەڭگەرۋشىلەرى قاتىستى.
«بۇگىنگى تاڭدا پارتيادا ءتۇرلى الەۋمەتتىك توپتارعا جاتاتىن تۇرعىندارمەن ناقتى ءىس-قيمىل جوسپارى ازىرلەنىپ, رەسپۋبليكالىق جەلىلىك كەستەسى قابىلدانىپ, مەديا-جوسپار بەكىتىلدى. الداعى ۋاقىتتا ەلىمىزدىڭ بارلىق وڭىرىندە سەنىمدى وكىلدەر مەن دەپۋتاتتىققا كانديداتتاردىڭ سايلاۋشىلاردى قابىلداۋ جۇمىسىن ۇيلەستىرەتىن 16 ايماقتىق جانە 208 اۋماقتىق شتابتىڭ قوعامدىق قابىلداۋ بولمەلەرى قۇرىلماق», – دەدى ا.وسپانوۆ.
سايلاۋالدى شتابتاردىڭ قوعامدىق قابىلداۋ بولمەلەرىنىڭ جۇمىستارىن ۇيىمداستىرۋ, مىندەتتەرىن ايقىنداۋ تۋرالى ءسوز قوزعاعان جۇماجان جۇكەنوۆ, بىرىنشىدەن, سايلاۋ ناۋقانى كەزىندە پارتيانىڭ قوعامدىق شتابىنىڭ قوعامدىق قابىلداۋ بولمەلەرى استانا مەن الماتى قالالارىندا جانە وبلىستاردا, اۋدان ورتالىقتارىندا قۇرىلىپ, جۇمىس اتقاراتىنىن جەتكىزدى.
«قوعامدىق قابىلداۋ ءبولمەلەرىنىڭ ءبىر عانا قارجى كوزى – سايلاۋ قورىنىڭ قاراجاتى. قوعامدىق قابىلداۋ بولمەلەرى – قوعامدىق شتاب اپپاراتىنىڭ قۇرىلىمدىق بولىمشەسى. ولاردىڭ نەگىزگى مىندەتتەرى – پارتيانىڭ سايلاۋالدى باعدارلاماسىنىڭ ۇگىت-ناسيحات جۇمىستارىن جۇرگىزۋ, تۇرعىندار اراسىندا سايلاۋ زاڭدىلىقتارىن ءتۇسىندىرۋ مەن سايلاۋعا قاتىسۋعا شاقىرىپ, ۇگىت-ناسيحات جۇمىستارىن ۇيىمداستىرۋ. سايلاۋ ناۋقانىنا دايىندىق پەن ونى وتكىزۋ بارىسىندا زاڭدىلىقتاردىڭ ساقتالۋىن قامتاماسىز ەتۋ. سونداي-اق, سايلاۋشىلاردىڭ ۇسىنىس-تىلەكتەرىن جيناپ, ونى تالداۋ جۇمىستارىن ۇيىمداستىرۋ. بۇل – ءبىزدىڭ نەگىزگى ءمىندەتتەرىمىز. پارتيانىڭ قوعامدىق قابىلداۋ بولمەلەرىنىڭ فيليالدارى ءوز جۇمىستارىن كەستەگە سايكەس اتقارادى», – دەدى ج.جۇكەنوۆ.
سونداي-اق, ول سايلاۋ ناۋقانى كەزىندە قوعامدىق قابىلداۋ بولمەلەرى پارتيا عيماراتتارىندا عانا ورنالاساتىندىعىن, ال ەگەر, پارتيا كەڭسەلەرىنەن تىس عيماراتتاردا بولسا, ول تەك كەلىسىمشارت ارقىلى عانا جۇرگىزىلۋى ءتيىس ەكەندىگىن اتاپ ءوتتى. «قوعامدىق قابىلداۋ بولمەلەرىنىڭ مەملەكەتتىك ۇيىمدار مەن ءبىلىم بەرۋ مەكەمەلەرىمەن ءبىر عيماراتتا جۇمىس اتقارۋلارىنا تىيىم سالىنادى», – دەدى قابىلداۋ بولمەسى مەڭگەرۋشىسىنىڭ ورىنباسارى.
جيىن بارىسىندا سايلاۋالدى شتابتاردىڭ قوعامدىق قابىلداۋ بولمەلەرىنىڭ سايلاۋ ناۋقانىنا ازىرلىكتەرى تەكسەرىلىپ, ادىستەمەلىك نۇسقاۋلىقتار جانە زاڭنامالىق ءتۇسىندىرۋ جۇمىستارى جۇرگىزىلدى. ولاردىڭ سوزدەرىنە قاراعاندا, سايلاۋالدى شتابتاردىڭ قوعامدىق قابىلداۋ بولمەلەرى زاڭناماعا سايكەس جۇمىس ىستەپ, سەنىمدى تۇلعالار مەن دەپۋتاتتىققا كانديداتتاردىڭ سايلاۋشىلاردى قابىلداۋ كەستەسىن قۇراستىرىپ, قابىلداۋلارىن ۇيىمداستىرماق.
ءلايلا ەدىلقىزى,
«ەگەمەن قازاقستان».