قۋانعانىمىزدى قايتەيىك...

اقتاۋدا 45 ملن. تەڭگەدەن استام بيۋدجەت قارجىسىنا سالىنعان جاڭا ۆەلوجولدار وپىرىلىپ قالدى اقتاۋ قالاسىنداعى «بايتەرەك» ساۋدا ورتالىعىنىڭ ماڭىنداعى 16 جانە 27 شاعىن اۋداندار ارالىعىن­دا جاڭادان تروتۋار سالىنىپ, تۇرعىندار «ءاي, جارايسىڭ»» دەپ ءىس با­سىنداعىلارعا ءبىر ريزا بولىپ قال­عانداي بولىپ ەدى. قۋانىش ۇزاققا بارمادى – ءتىل ءوتتى مە, كوز ءوتتى مە, قايدام, جاڭا جول وزدىگىنەن وپىرىلىپ قالدى. ايتۋشىلار, جولدىڭ وپىرىلۋى اقتاۋ قالاسىنا سوڭعى كەزدەردە جاۋعان قار مەن جاڭبىردىڭ اسەرىنەن دەپ ءبىر قويدى. تاس توسەنىشتەر كوممۋنيكاتسيالىق قۇبىرلار ۇستىنە قويىلعان. جول سالۋشىلار ەۋروپانىڭ قار جاۋىپ, اۋا رايى بۇزىلسا, جەر استىنداعى جىلۋ قۇبىرلارى اسەرىنەن تروتۋارلار بويلارىنداعى قار ەرىپ, جۇرۋشىلەرگە كەدەرگى كەلتىرمەيدى, كوكتايعاق بولمايدى دەگەن ءادىسىن نەگىزگە العانعا ۇقسايدى. الايدا, تاستىڭ ساپاسى سەكىلدى كەيبىر ەرەكشەلىكتەر ەسكەرىلمەسە كەرەك. جۋىردا عانا اياقتالىپ, تۇرعىندار يگىلىگىنە ۇسى­نىلعان اتالمىش جولعا اقتاۋ قالالىق بيۋدجەتىنەن 45 ملن.-عا جۋىق تەڭگە قارجى بولىنگەن. وسىنشا قارجىعا سالىنعان جولدىڭ قيراپ قالۋى وكىنىشتى... وقيعانى اڭعارىپ, جار سالعان جۋرناليس­تەر باستاپقى كەزەڭدە كىمنەن جاۋاپ الارىن بىلمەي داع­دارعان بولاتىن. اراعا بىرەر كۇن سالىپ اقتاۋ قالاسى اكىمىنىڭ ورىنباسارى ءو.بيساقاەۆ اتالمىش ماسەلەگە ماڭىندا جارىلعان كاناليزاتسيا قۇبىرىنىڭ اسەرى بولعاندىعىن ايتىپ, جوندەۋ جۇمىستارى قولعا الىنعاندىعىن جەتكىزدى. گۇلايىم شىنتەمىرقىزى, «ەگەمەن قازاقستان».   ماڭعىستاۋ وبلىسى.