مادەنيەت ءجانە سپورت مينيسترلىگىندە 2016 جىلى ريو-دە-جانەيرو قالاسىندا وتەتىن XXXI جازعى وليمپيادادا ونەر كورسەتەتىن سپورتشىلاردىڭ سپورتتىق كيىممەن جابدىقتالۋىنا وراي ارنايى قۇرىلعان كوميسسيانىڭ وتىرىسى ءوتتى.
كوميسسيا اتالعان ماقساتتاعى مەملەكەتتىك تاپسىرىستى وتاندىق كومپانيالارعا بەرۋ جونىندە شەشىم قابىلدادى. وسىلايشا, ءوزىمىزدىڭ وندىرۋشىلەردى قوسىمشا جۇمىسپەن قامتىساق, ەكىنشىدەن, قازاقستاندىق تاۋارلار ۇلەسىنىڭ ارتۋىنا سەپتىگى تيمەك. وتىرىستا جالپى تالاپتار, ەسكيزدەر مەن وتاندىق كيىم وندىرۋشىلەردىڭ ۇسىنىستارى ورتاعا سالىندى. ەستەرىڭىزگە سالا كەتەيىك, بۇعان دەيىنگى سوچيدە وتكەن قىسقى وليمپيادا ويىندارىنا بارعان سپورتشىلاردىڭ كيىمىن دە ءوزىمىزدىڭ وتاندىق كومپانيا ازىرلەگەن بولاتىن.
كوميسسيا وتىرىسىنا يۋري مەلنيچەنكو, ولگا شيشيگينا, ەرماحان يبراگيموۆ سىندى تانىمال سپورتشىلار مەن قر مادەنيەت جانە سپورت مينيسترلىگىنىڭ وكىلدەرى, ۇلتتىق وليمپيادا كوميتەتى مەن تاۋەلسىز ديزاينەرلەر قاتىستى. كوميسسيا مۇشەلەرى كيىمنىڭ ساپاسى, تىگىسى, ديزاينى جونىندە قىزۋ پىكىرتالاس ورىستەتىپتى. ەڭ باستىسى – كيىمنىڭ سپورتشىلار ءۇشىن ىڭعايلى بولۋى.
نازار قاسىم.