استانا. 24 قاڭتار. يران پرەزيدەنتى حاسان روۋحاني كەلەسى اپتادا ايگىلى Airbus اۋە كومپانياسىنان 114 ۇشاق ساتىپ الۋ جونىندە كەلىسىمشارتقا قول قويادى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ءبىز كەلىسسوزدەردى 10 اي بويى جۇرگىزدىك», – دەيدى يراننىڭ ترانسپورت جانە دامۋ ءمينيسترى ابباس احۋندي.
يراننىڭ ازاماتتىق اۆياتسيا ۇيىمى وسىعان دەيىن 500-گە جۋىق جاڭا جولاۋشىلار ۇشاعىنىڭ قاجەت ەكەنىن مالىمدەگەن. يرانعا سالىنعان سانكتسيالار لەگى الىنعان سوڭ, Iran Air اۋە كومپانياسىنا Airbus ۇشاقتارى قوسىلاتىنى 16 قاڭتار كۇنى بەلگىلى بولدى.
يران مەملەكەتىنىڭ پرەزيدەنتى حاسان روۋحاني ەلدىڭ ەكونوميكالىق تۇرعىدان دامۋىنا بايلانىستى 25-27 قاڭتار كۇندەرى يتاليا مەن فرانتسياعا بارادى.
ايان ءابدۋالي.
دەرەك: تاسس.
سۋرەت: e-today.kz.