قازاقستان حالقى اسسامبلەياسى مۇشەلەرىنىڭ اتىنان ەلباسى – قازاقستان رەسپۋبليكاسى پرەزيدەنتىنىڭ قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن تاعايىنداۋ تۋرالى شەشىمىنە قولداۋ كورسەتەمىز.
ءبىز, قازاقستاندىقتار ءۇشىن باستى جەتىستىك قاشاندا قوعامداعى بەيبىتشىلىك, تۇراقتىلىق جانە كەلىسىم بولىپ كەلەدى. وسى مىزعىمايتىن قازاقستاندىق قۇندىلىقتار بارلىق قيىندىقتاردى تابىستى ەڭسەرىپ, قۋاتتى قازاقستان قۇرۋعا كومەكتەسۋدە.
قازىرگى الەمدىك ەكونوميكالىق داعدارىس جاعدايىندا پرەزيدەنت كەزەكتەن تىس پارلامەنتتىك سايلاۋ وتكىزۋ تۋرالى ۋاقتىلى شەشىم قابىلداپ, ەلىمىزدىڭ زاڭ شىعارۋشى ورگانىندا ازاماتتارىمىزدىڭ مۇددەسىن قورعاۋعا قۇقىق بەرۋ ءۇشىن اشىق باسەكەلەستىككە مۇمكىندىك ۇسىندى.
بۇل شەشىمنەن ءبىز پرەزيدەنتتىڭ قوعامدىق كۇشتەر مەن ساياسي پارتيالاردىڭ جوعارى سىندارلى الەۋەتىنە دەگەن وڭ كوزقاراسىن, سونداي-اق, ەلباسىنىڭ قۇرىلعان جىلدارىنان بەرى ۇلتتىڭ بىرلىگىن نىعايتۋدى قامتاماسىز ەتىپ, قوعامداعى ءوزارا قولداۋ مەن قازاقستاندىق پاتريوتيزم يدەيالارىن تاراتۋداعى جۇمىسىنا دەگەن سەنىمدىلىگىن كورەمىز.
ءبىز پارلامەنت ءماجىلىسى دەپۋتاتتارىنىڭ جاڭا قۇرامىن سايلاۋ حالىقتىڭ ازاماتتىق بەلسەندىلىگىن ارتتىرۋعا قۋاتتى سەرپىن بەرىپ, مەملەكەت باسشىسىنىڭ داعدارىسقا قارسى جوسپارىن جۇزەگە اسىرۋ ءۇشىن بۇكىلحالىقتىق بىرلىكتى نىعايتۋدى قامتاماسىز ەتەتىنىنە زور سەنىمدەمىز.
بۇل رەفورمالاردى تابىستى جۇرگىزۋ ءۇشىن وڭتايلى جاعدايلار قالىپتاستىرۋعا, قوعامدىق كەلىسىم مەن جالپىۇلتتىق بىرلىكتى نىعايتۋعا جاعداي تۋعىزاتىن بولادى.