«قازاقستاننىڭ ازاماتتىق اليانسى» زتب اتىنان وسى بىرلەستىكتىڭ پرەزيدەنتى نۇرلان ەرىمبەتوۆ «بەسىنشى شاقىرىلعان قازاقستان رەسپۋبليكاسى پارلامەنتى ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىقتى قولدايتىنىن مالىمدەدى.
«دەپۋتاتتاردىڭ كەزەكتەن تىس سايلاۋ وتكىزۋ تۋرالى باستاماسىن ءسىزدىڭ قولداۋىڭىز ەلىمىزدەگى دەموكراتيالىق ۇدەرىستەر مەن ازاماتتىق قوعام ينستيتۋتتارىن ودان ءارى دامىتۋعا كەزەكتى مارتە سەرپىن بەرەتىن بولادى. 2015 جىلى ۇلت جوسپارىن جۇزەگە اسىرۋ اياسىندا ينستيتۋتتىق رەفورمالاردى جۇرگىزۋ ءۇشىن قۋاتتى زاڭنامالىق ارقاۋ قالىپتاستىرىلدى. ول ۇكىمەتتىك ەمەس ۇيىمداردىڭ بارلىق دەڭگەيدە مەملەكەتتىك شەشىم دايىنداۋ مەن قابىلداۋ جۇمىستارىن ۇيىمداستىرۋعا قاتىسۋىنا كەڭ مۇمكىندىكتەر اشادى», دەپ اتاپ كورسەتىلەدى ن.ەرىمبەتوۆتىڭ مالىمدەمەسىندە.
مالىمدەمەدە, سونداي-اق, اتالعان مۇمكىندىكتەردى «قازاقستاننىڭ ازاماتتىق اليانسى» مەملەكەت باسشىسى ۇسىنعان رەفورمالار مەن داعدارىسقا قارسى شارالاردى جۇزەگە اسىرۋ بارىسىن قوعامدىق باقىلاۋ كەزىندە پايدالانۋعا دايىن ەكەنى اتاپ كورسەتىلەدى.
«كەزەكتەن تىس سايلاۋ وتكىزۋ تۋرالى ءسىزدىڭ شەشىمىڭىزدى ماڭىزدى جانە ۋاقتىلى دەپ سانايمىز جانە قازاقستان قوعامىن جاڭعىرتۋ جونىندەگى بارلىق ۇدەرىستەردە بەلسەندى ءرول اتقارۋعا دايىن ەكەنىمىزدى بىلدىرەمىز. ءبىز ءماجىلىس پەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋلارى تۇراقتىلىقتى, ازاماتتىق بىرلىك پەن كەلىسىمدى ودان ءارى نىعايتۋعا وڭ ىقپال ەتەتىنىنە سەنىمدىمىز», دەلىنگەن «قازاقستاننىڭ ازاماتتىق اليانسى» پرەزيدەنتى ن.ەرىمبەتوۆتىڭ مالىمدەمەسىندە.