«5-ءشى شاقىرىلىمداعى پارلامەنت ءماجىلىسىن تاراتۋ, سونداي-اق
قر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى» جارلىققا بايلانىستى
مالىمدەمەسى
ءبىز, حالىقارالىق «قازاق ءتىلى» قوعامى, پرەزيدەنتتىڭ ءماجىلىس دەپۋتاتتارىنىڭ كەزەكتەن تىس سايلاۋىن وتكىزۋ تۋرالى جارلىعىن قۋانا قارسى الدىق. ەلباسىمىز ايقىنداپ بەرگەن قازاقستاننىڭ كوشباسشى ەلدەردىڭ قاتارىنا ەنۋ تۋراسىنداعى ماقساتتارى مەن مىندەتتەرىن ءبىز جاۋاپكەرشىلىكپەن جۇزەگە اسىرۋىمىز كەرەك. ءبىز ءاردايىم وتانىمىزدىڭ الەمنىڭ الپاۋىت ەلدەرىمەن ۇزەڭگى تۇيىستىرەر دەڭگەيگە جەتكەنىن ماقتان ەتەمىز. قازاقستان الەمدى كۇيزەلتكەن گەوەكونوميكالىق, گەوساياسي جانجالدارعا, تابيعي اپاتتارعا قاراماستان, ايقىن ماقساتتارعا قاراي ىلگەرىلەۋ ۇستىندە. سونىمەن قاتار, بۇل ماڭىزدى بەلەستەردى باعىندىرۋدا مەملەكەتىمىزدىڭ الەۋمەتتىك-ەكونوميكالىق الەۋەتى زور سەپتىگىن تيگىزۋدە. سوندىقتان, ءبىز مەملەكەتىمىزدى جانە ەلباسىمىزدى قاستەرلەپ, تابىستارىنا ءسۇيسىنىپ, جەتىستىكتەرىمەن رۋحتانامىز. سەبەبى, پرەزيدەنتىمىز ەلىمىزدىڭ ىرگەسىن نىعايتىپ, حالقىمىزدىڭ بەيبىت ءومىرىن قامتاماسىز ەتىپ, قوعامنىڭ بىرلىگى مەن كەلىسىمىن ساقتاپ كەلەدى. وسى ورايدا, ءبىز ماڭگىلىك ەل بولۋ جولىنداعى اسقاق ماقساتتار تۇرعىسىنان ناقتى ىسكە كىرىسۋ تۋرالى باستاماعا قولداۋ بىلدىرگەن جارلىقتىڭ دۇرىس شەشىم ەكەندىگىن مالىمدەيمىز جانە بارشا قازاقستاندىقتاردى جارلىقتى جۇزەگە اسىرۋ اياسىندا بىرىگۋگە شاقىرامىز.