«قوعامدىق دامۋ ورتالىعى» قق-نىڭ قر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن وتكىزۋ تۋرالى
جارلىقتى قولداۋ بويىنشا
مالىمدەمەسى
«قوعامدىق دامۋ ورتالىعى» قوعامدىق قورىنىڭ مۇشەلەرى مەملەكەت باسشىسىنا پارلامەنت ءماجىلىسى مەن بارلىق دەڭگەيدەگى ءماسليحاتتاردىڭ كەزەكتەن تىس سايلاۋلارىن وتكىزۋ تۋرالى قابىلداعان شەشىمىنە بايلانىستى تەرەڭ ريزاشىلىق سەزىمدەرىن بىلدىرەدى. ءبىزدىڭ ۇيىمىمىز قاشاندا مەملەكەتتىك ورگانداردىڭ قىزمەتىن, ازاماتتىق باستامالاردى دامىتۋ مەن جەرگىلىكتى قوعامداستىقتاردىڭ بەلسەندىلىگىن باقىلاۋدى قامتاماسىز ەتە وتىرىپ, قازاقستاننىڭ پروگرەسس پەن ورنىقتى دامۋىنا باعىتتالعان شارالارعا قولداۋ كورسەتىپ كەلدى جانە كورسەتە بەرەتىن بولادى. قازاقستان پرەزيدەنتى جاريالاعان رەفورمالاردىڭ جوعارى ءرولىن تۇسىنە وتىرىپ, ءبىز قازاقستان قوعامى ءومىرىنىڭ بارلىق شەشۋشى باسىمدىقتارىن كەڭ اۋقىمدى جاڭعىرتۋداعى جەتەكشى ستراتەگيا رەتىندە «100 ناقتى قادام» ۇلت جوسپارىنىڭ مىندەتتەرىن جەدەل جۇزەگە اسىرۋ قاجەتتىگىن قولدايمىز. قازىرگى كەزەڭدە ءبىز, تۇتاستاي العاندا, مەملەكەتتى دامىتۋ ءۇشىن بەلگىلەنگەن ماقساتتاردىڭ ءتيىمدى ورىندالا باستاعانى مەن قاعيداتتى جاڭا قۇقىقتىق ورتا قالىپتاستىرىلۋىنىڭ كۋاگەرلەرى بولىپ وتىرمىز. قۇرىلعان بازيس ەلدىڭ باستى باسىمدىعى – قازاقستاننىڭ الەمدەگى اسا دامىعان 30 ەلدىڭ قاتارىنا قوسىلۋىن جۇزەگە اسىرۋدىڭ ورنىقتى نەگىزىن قالىپتاستىرۋدا ەكەنى انىق. اتالعان جولدا الداعى سايلاۋدىڭ بىرىكتىرۋشى الەۋەتى بيلىكتىڭ زاڭ شىعارۋشى تارماعىن كۇشەيتۋگە عانا ەمەس, سونداي-اق, قازاقستان ءۇشىن جاڭا جاعدايلاردا بارلىق قوعامدىق كۇشتەردى توپتاستىرۋعا مۇمكىندىك بەرەتىنىنە سەنىمدىمىز.