الدىمەن, وسىنداي قادامعا بارۋعا قانداي قاجەتتىلىك بولدى دەگەن ساۋالعا جاۋاپ ىزدەپ كورەيىك. بۇل رەتتە ەڭ ءبىرىنشى ويعا الەمنىڭ قازىرگى گەوساياسي جاعدايى ورالادى. ويتكەنى, ەكونوميكالىق داعدارىس كۇن وتكەن سايىن كۇردەلەنىپ بارادى. ول ازداي, ساراپشى ماماندار الداعى ۋاقىتتا مۇنايدىڭ ءبىر باررەلىنىڭ باعاسى 30 دوللاردان دا تومەن تۇسەتىنىن ايتىپ, دابىل قاعۋدا. سونداي-اق, الىپ مەملەكەتتەردىڭ اراسىنداعى كيكىلجىڭدەر دە وتقا ماي قۇيىپ وتىر. مىنە, وسىنىڭ ءبارى جاھاندىق ەكونوميكالىق داعدارىستىڭ جاي عانا ۋشىقپاي, جاڭا قارقىن الا باستاعانىنان حابار بەرەدى. ءماجىلىس جانە بارلىق دەڭگەيدەگى ءماسليحاتتار دەپۋتاتتارىنىڭ سايلاۋىن كەزەكتەن تىس وتكىزۋدى سونىڭ ءبىر تەتىگى دەپ بىلەمىن. سوندىقتان قازاقستان رەسپۋبليكاسىنىڭ ازاماتى, ەلىمنىڭ پاتريوتى جانە ۇكىمەتتىك ەمەس ۇيىمنىڭ وكىلى رەتىندە ءماجىلىس دەپۋتاتتارىنىڭ بۇل باستاماسىن تولىق قولدايمىن.
سايلاۋدىڭ تاعى ءبىر ارتىقشىلىعى, وسى كەزدە حالىق ءوز تاڭداۋىن جاساۋعا مۇمكىندىك الادى. بۇل – ءماجىلىس جانە ءماسليحات دەپۋتاتتارى حالىقتىڭ سەنىمىنە قول جەتكىزەدى دەگەن ءسوز. ال ەلدىڭ سەنىمى ادامعا جىگەر بەرىپ, رۋحىن كۇشەيتەدى. ءوز كەزەگىندە بۇل قاسيەتتەر الدىمىزدا تۇرعان «100 ناقتى قادام» ۇلت جوسپارىن, بەس ينستيتۋتتىق رەفورمانى جانە دامىعان 30 ەلدىڭ قاتارىنا قوسىلۋ ستراتەگياسىن جۇزەگە اسىرۋدا سەپتىگىن تيگىزەدى.
وسى رەتتە, سايلاۋدان كەيىن پارلامەنتتىڭ قۇرامى قانشالىقتى جاڭارادى دەگەن زاڭدى سۇراق تۋىندايدى. بىرىنشىدەن, ىسكەر ازاماتتار كەلۋى ءتيىس. ەكىنشىدەن, ەلى ءۇشىن وتقا تۇسۋدەن تايىنبايتىن پاتريوتتار كەرەك. ۇشىنشىدەن, ەلدىڭ مۇڭىن مۇڭداپ, جوعىن جوقتايتىن شىن جاناشىر ازاماتتار كەلەدى دەپ ۇمىتتەنەمىن. مىنە, سوندا عانا ءبىز كەز كەلگەن ەكونوميكالىق قيىندىقتارعا توتەپ بەرەتىن بولامىز. مۇنداي پىكىردى, مۇنداي ويدى تەك مەن ەمەس, بارشا حالىق ايتىپ وتىر. ولاردىڭ اراسىندا كەزەكتەن تىس ءماجىلىس پەن بارلىق دەڭگەيدەگى ءماسليحاتتار سايلاۋلارىن وتكىزۋدى قولدايتىن ستۋدەنتتەر دە بار.
زيابەك قابىلدينوۆ,
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, «ەۋرازيا» گۋمانيتارلىق عىلىمي-زەرتتەۋلەر ورتالىعىنىڭ ديرەكتورى.