استانا. 19 قاڭتار. بۇگىن قۇرلىقتىق حوككەي ليگاسى شەڭبەرىندە استانانىڭ «بارىسى» ءوز ايدىنىندا مينسكىنىڭ «ديناموسىن» قابىلداپ, 4:2 ەسەبىمەن باسىم ءتۇستى. بۇل تۋرالى egemen.kz ءتىلشىسى حابارلادى.
ويىننىڭ ءبىرىنشى كەزەڭىندە كوماندالار ءبىر-بىرىنە لايىقتى قارسىلىق كورسەتتى. الايدا, بۇل بولىكتە گول سوعىلمادى. ەسەسىنە, ەكىنشى كەزەڭدە جانكۇيەرلەر 4 گولدىڭ كۋاسى بولدى. كەزەڭ باستالا سالىسىمەن العا ۇمتىلعان ايدىن يەلەرى 21-مينۋتتا قورعاۋشى كەۆين داللمەننىڭ كومەگىمەن ەسەپ اشتى. ارادا 8 مينۋت وتكەندە «بارىس» ساپىنان ماكسيم حۋدياكوۆ مەرگەندىگىمەن كوزگە ءتۇستى.
قاقپالارىنا ەكى شايبا جىبەرىپ العانىنا قاراماستان, قوناقتار شابۋىلدا ساۋاتتى وينادى. ناتيجەسىندە 32-مينۋتتا دينامولىق حوككەيشى پول ششەحۋرا ەسەپ ايىرماسىن قىسقارتتى. ايتسە دە, بىرنەشە سەكۋندتان كەيىن «بارىس» قايتادان ەكى شايبا ايىرماسىمەن العا شىقتى. بۇل جولى داستين بويد ناتيجەلى سوققىنىڭ اۆتورى اتاندى.
سوڭعى كەزەڭدە استانالىقتار تاعى ءبىر شايبا سوقتى. اتاپ ايتقاندا, 44-مينۋتتا برەندون بوچەنسكي «دينامونىڭ» قاقپاسىن ءدال كوزدەگەن بولاتىن. بۇل گولعا مينسكىلىكتەر 49-مينۋتتا قارىمتا قايتارا ءبىلدى. اتالعان گول رايان ۆەسكەنىڭ ەنشىسىنە جازىلدى.
ماتچتىڭ سوڭعى مينۋتتارى اسا تارتىستى وتكەنىن اتاپ وتكەن ءجون. قوس كوماندانىڭ دا جاتتىقتىرۋشىلارى تايم-اۋت الىپ, شاكىرتتەرىنە نۇسقاۋ بەردى. الايدا, ويىننىڭ ەسەبى تورەشىنىڭ ىسقىرىعى ەستىلگەنگە دەيىن وزگەرگەن جوق.
وسىلايشا, «بارىس» ماۋسىمداعى 26-جەڭىسىنە قول جەتكىزدى. ليگانىڭ تۇراقتى چەمپيوناتىنىڭ اياقتالۋىنا ءالى 8 تۋر بار. بۇگىندە اندرەي نازاروۆتىڭ شاكىرتتەرى 78 ۇپايمەن شىعىس كونفەرەنتسياسىندا 7-ورىندا كەلەدى. 6-ورىندا تۇرعان قازاننىڭ «اك بارسىندا» دا وسىنشا ۇپاي بار. دەسەك تە, ول كوماندانىڭ بىزدەن ەكى ويىنى كەم ەكەنىن ەسكەرۋىمىز كەرەك.
«بارىس» كەلەسى كەزدەسۋىن 21 قاڭتاردا استانادا ومبىنىڭ «اۆانگاردىمەن» وتكىزەدى.
ەلامان قوڭىر.
دەرەك: egemen.kz.
سۋرەت: hcbarys.kz.