استانا. 19 قاڭتار. رەسەيدىڭ سانكت-پەتەربۋرگتىڭ «زەنيت» كومانداسى ساپىندا ونەر كورسەتەتىن برازيليا قۇراماسىنىڭ شابۋىلشى حالكتىڭ YouTube جەلىسىنە جاريالانعان ءبىر سوققىسىن 48 ساعاتتا ءبىر ميلليوننان استام ادام كورىپ ۇلگەرگەن. بۇل تۋرالى Lenta.ru دەرەگىنە سىلتەمە جاساعان egemen.kz ءتىلشىسى حابارلادى.
ۆيدەودا حالكتىڭ «زەنيتتىڭ» قاقپاشىسى يۋري لادىگين قورعاعان داربازاعا 11 مەترلىك ايىپ سوققىسىن ۇرىپ جاتقانى كورسەتىلگەن. اۋەلى فورۆارد سوققى جاساعان كەزىندە اياعىنداعى كەبىسى ۇشىپ كەتەدى. گولكيپەر بۇعان قاراپ, اڭ-تاڭ بولىپ قالعان كەزدە ول كىدىرمەستەن دوپتى قاقپاعا سارت ەتكىزەدى.
روليك پەتەربۋرگ كلۋبىنىڭ كاتاردا وقۋ-جاتتىعۋ جيىنىن وتكىزىپ جاتقان كەزىندە ءتۇسىرىلىپتى.
جالپى, حالكتىڭ «زەنيت» كلۋبى تەلەۆيدەنيەسىندە جاريالانعان بۇعان دەيىنگى ەڭ تانىمال ۆيدەوسى 9,2 ملن. ادامنىڭ كورۋىنە قول جەتكىزگەن ەكەن.
https://youtu.be/qzNMkVKuGws
بيىلعى ماۋسىمدا فورۆارد 16 ماتچتا 8 گول سوعىپ, 11 رەت ناتيجەلى پاس بەرگەن. چەمپيوندار ليگاسىنىڭ وسى جولعى 5 ماتچىندا 3 گول سالىپ, 4 پاس شىعارعان.
دامير قوجامقۇل.
دەرەك, فوتو: Lenta.ru.