ورال. 19 قاڭتار. باتىس قازاقستان وبلىسىنىڭ ورتالىعى – ورال قالاسىندا 22 قاڭتار كۇنى دوستىق ءۇيى اشىلادى. بۇل تۋرالى egemen.kz ءتىلشىسى حابارلادى.
ورال قالاسى اكىمىنىڭ ورىنباسارى عالىم ورىنعاليەۆتىڭ سوزىنە قاراعاندا, نىساننىڭ قۇرىلىسىنا مەملەكەتتىك بيۋدجەتتەن ارنايى ترانسفەرتپەن 890 ميلليون تەڭگە بولىنگەن. قۇرىلىس جۇمىستارى 2014 جىلدىڭ جەلتوقسان ايىندا باستالدى. ال ەندى ءۇش كۇننەن سوڭ, ياعني, 22 قاڭتاردا اشىلۋ سالتاناتى وتەدى جوسپارلانۋدا.
16 ەتنومادەني ورتالىقتى بىرىكتىرەتىن بۇل عيمارات ورال قالاسىنىڭ «استانا» شاعىن اۋدانىندا ورنالاسقان. عيماراتتىڭ ىشكى جانە سىرتقى كورىنىستەرىنەن الداعى كۇندەرى كەڭىنەن اقپارات بەرەتىن بولامىز.
تەمىر قۇسايىن.
دەرەك, سۋرەت: egemen.kz.