كوكشەتاۋ. 19 قاڭتار. ءومىردىڭ ءوز ونەگەسى كورسەتىپ تۇرعانداي, اسا اۋىر قىلمىستاردىڭ كوبى الكوگولدىك ماستانۋ كەزىندە نەمەسە ىشىمدىكتەردىڭ اسەرىنەن جاسالادى. وسىعان بايلانىستى اقمولا وبلىسىنىڭ پوليتسەيلەرى ىشىمدىك ءىشۋ مەن الكوگوليزمنىڭ الدىن-الۋ ماقساتىندا ماسكۇنەمدەردىڭ اتى-جوندەرىن انىقتادى. بۇل تۋرالى وبلىستىق ىشكى ىستەر دەپارتامەنتىنىڭ دەرەگىنە سۇيەنگەن egemen.kz ءتىلشىسى حابارلادى.
وسى جۇمىستىڭ بارىسىندا ايماقتا 2015 جىلدىڭ باسىنان 202 ماسكۇنەم ەسەپكە الىندى. جەكە تارتىپكە كونبەيتىن تۇلعالارعا قاتىستى, كۇشتەپ ەمدەۋ شارالارى قولدانىلدى. وسىلايشا پوليتسيانىڭ ۋچاسكەلىك ينسپەكتورلارى ماتەريالدارى بويىنشا اقمولا ناركولوگيالىق اۋرۋحاناسىنا كۇشتەپ ەمدەۋ ءۇشىن وبلىس سوتتارىنىڭ شەشىمىمەن 457 ماسكۇنەم جازاعا كەسىلدى.
پوليتسيانىڭ ۋچاسكەلىك ينسپەكتورلارى جاعىمدى تاجىريبەسى رەتىندە الكوگولدىك سۋسىنداردىڭ جۇيەلىك تۇردە ىشىلەتىن ورىندارعا باقىلاۋ جۇرگىزدى. بارلىعى وبلىس بويىنشا الكوگولدىك ىشىمدەكتەردىڭ ىشۋىنە ارنالعان 576 ورىن تەكسەرىلدى, قوسىمشا تۇردە انىقتالىپ, ەسەپكە الىنعانى – 51 ورىن, سونىڭ ىشىندە 16-سى وبلىس ورتالىعىنىڭ ەنشىسىنە جاتادى. تىزىمدىك ەسەپكە سپيرتتىك ونىمدەردى ءىشۋ ءۇشىن سول ورىندارعا باراتىن, قىلمىستىق ەسەپتىڭ بارلىق تۇرلەرىنە الىناتىن جانە ولارمەن الدىن-الۋ جۇمىستارىن جۇرگىزۋ ءۇشىن 512 تۇلعا كىردى.
ىشىمدىك ءىشۋ مەن الكوگوليزمنىڭ الدىن-الۋدا ءتۇيىندى ماسەلەلەردىڭ بولۋىنا قاراماستان, وبلىس اۋماعىندا ءتارتىپ ساقشىلارى ماستىق جاعدايدا جاسالاتىن قىلمىستار سانىنىڭ ارتۋىنا جول بەرمەدى. كەمۋى 985-دەن 942-گە دەيىن جەتىپ, 4,4 پايىزدى قۇرادى.
باقبەرگەن امالبەك.
دەرەك: اقمولا وبلىستىق ىشكى ىستەر دەپارتامەنتىنىڭ ءباسپاسوز قىزمەتى.