ۇلىلاردىڭ تۋعان كۇنى بار, ولگەن كۇنى جوق

«قادىرىن بىلمەپپىز عوي ءتىرى كەزدە», دەپ جىلار قالىڭ قازاق مەن ولگەندە. سەكسەن مەن جۇزدىگىمدى ۇرپاق اتار, تاريحتىڭ تۇكپىرىنەن ءسوز كەلگەندە, – دەپ ەلۋگە دە كەلمەي تۇرعاندا اۋليەلىكپەن جازىپ كەتكەن باۋ­ىر­جان مومىش ۇلى كەشە, جۇما كۇنى 100-گە تولدى. باتىردىڭ مە­رەيتويى جىل بويى توي­لان­دى, جىل بويى ەسىمى ەلدىڭ اۋزى­نان تۇسكەن جوق. كوزى تىرىسىندە-اق تۋ­عان حالقىنىڭ ءسۇيىس­پەن­شى­لىگىنە ءبو­لەنگەن باتىردىڭ تۋعان كۇنى ەلى­مىزدىڭ تۇكپىر-تۇكپىرىندە ءتۇرلى شارالارمەن اتالىپ جات­تى. سو­نىڭ ءبىرى سەمەي مەملەكەتتىك پە­دا­گوگيكا­لىق ينستيتۋ­تى­نىڭ قول­عا الۋىمەن باۋىر­جان مومىش­ ۇلى­نىڭ «سوعىس پسيحولوگياسى» اتتى كىتابى قايتا جارىق كوردى. « ۇلىلاردىڭ تۋعان كۇندەرى بار, بىراق ولگەن كۇن­دەرى جوق» دەگەندى ءازىربايجان جازۋشىسى انار رزانىڭ اۋزىنان ەستىپ ەدىك. بيىل باۋىرجان با­با­مىز­دىڭ لايىقتى تۇردە ەلى اتاپ ءوت­كەن عا­سىر­لىق تويى  وسى ءسوزدى ءجيى ەسكە تۇسىرۋمەن بولدى. سەمەي وڭىرىنەن ارنايى كەلگەن ازاماتتار استانا جانە ال­ماتى زيالىلارىمەن  ورتالىق مەملەكەتتىك مۇراجايدىڭ باۋ­ىر­جان مومىش ۇلىنا ارنالعان ەكسپوزيتسيا زالىندا قازاق حال­قى­نىڭ ارداقتى پەرزەنتى, قول­باس­شى, كورنەكتى جازۋشى­نىڭ تۋ­عانىنا 100 جىل تولۋ قۇرمە­تىنە ارنايى جاڭا نۇسقادا شى­عا­رىلعان «سوعىس پسي­حو­لو­گيا­سى» كىتابىنىڭ تۇساۋكەسەرىن ءوت­كىزدى. باۋىرجان مومىش ۇلىنىڭ ارتىندا قالدىر­عان باي مۇرا­سىن, وتانىن, ۇلتىن سۇيۋدەگى ونەگە­سىن ەلىمىزدىڭ بولاشاعى – جاستارعا تاعىلىم جاساۋ ماق­سا­تىندا, ونىڭ 1944 جىلى كسرو عىلىم اكادەمياسىنىڭ قازاق­ستان­داعى فيليالىندا, سول كەزدەگى رەس­پۋب­ليكانىڭ كورنەكتى قاي­راتكەرلە­رى­نىڭ, جازۋشى­لا­رى­نىڭ, عالىم­دا­رى­نىڭ الدىندا وقى­­عان, جۇرت­شىلىققا «سوعىس پسيحولوگياسى» دە­گەن جالپى اتپەن بەلگىلى ءدارىس­تەرىنەن تۇرا­تىن ەڭ­بەگىنىڭ قايتا باسىلۋىنا ءبىلىم جانە عىلىم مي­نيسترى با­قىتجان جۇماعۇلوۆ تىكەلەي  ىقپال ەتكەن. وسى ءبىر اسا قۇندى ەڭبەك تەك تازا اسكەري ماسەلەلەرگە عانا ارنالماعان, ودان ادام بوي­­ىن­داعى وتاندى ءسۇيۋ, تابان­دىلىق, ادالدىق, قيىن­نان الىپ شىعار تاپقىرلىق, كوكەيگە قو­نىم­دى سوزدەرمەن جۇرتشى­لىق­قا اسەر ەتە ءبىلۋ سياقتى جانە ت.ب. ادامي قاسيەتتەردى كورۋگە بولادى. كىتاپتىڭ باستى ەرەكشەلى­گى­نىڭ ءبىرى, ونىڭ ەكى تىلدە ءبىرتۇتاس كىتاپ بولىپ شىعارىلۋى. سول سياق­­تى, بۇل ەڭبەك وقۋ ورىن­دارى­نىڭ جانە ەلى­مىزدىڭ نەگىزگى كىتاپحانالارىنىڭ كىتاپ قور­لارىن تولىقتىرماق. تۇساۋكەسەرگە ەلىمىزدىڭ كور­نەك­تى مەملەكەت قايراتكەرلەرى, ۇلى وتان سوعىسىنىڭ ارداگەرلەرى, جازۋشىلار, عالىمدار, قا­لا جۇرت­­شىلىعى جانە جاستار قاتىستى. ايناش ەسالي. الماتى. ----------------------------------------- سۋرەتتى تۇسىرگەن بەرسىنبەك سارسەنوۆ.