“كومەكتەگىلەرگە” كومەكتەسپەك

سەمەيدەگى مۇگەدەك جاندارعا ارنالعان مەكەمەلەردىڭ ءبىرى “كو­مەك” دەپ اتالادى. جۋىردا وسى مە­كەمەگە الىستاعى شۆەيتساريا ەلىنەن ماينراد شادە دەگەن سۋرەتشى ار­نايى كەلىپ اتباسىن تىرەدى. ەگەمەن ەل اتانىپ, ەلباسى جارلىعىمەن سە­مەي اتوم پوليگونى جابىلعان­نان بەرگى كەزەڭدە گۋمانيتارلىق ماقساتپەن بۇل جاققا كىمدەر كەلىپ كەتپەدى دەيسىز. سوعان وراي, قازىردە بۇرىنعى پوليگون ايماعى ءتۇرلى مازمۇنداعى كومەكتەن كەندە ەمەس. سولاي دەي تۇرعانمەن, بۇل جول­عى قوناقتىڭ سەمەيگە كەلىسىنىڭ ءجون-جوسىعى مۇلدەم بولەك بولىپ شىقتى. ياعني, ونىڭ باستى ماقساتى “كومەك” بىرلەستىگىندە تىركەلگەن پو­لي­گون ايماعىنداعى دارىندى مۇگەدەك بالالارعا كومەكتەسۋ ەكەن. وسى ماقساتپەن قوناق مۇنداعى جاس تالانتتاردىڭ شىعارماشىلىق جۇمىستارىمەن جەتە تانىستى. سۋرەت سالىپ, كەستە تىككەن, ولەڭ شىعارىپ, ءان ايتقان جەتكىنشەكتەر قوناقتى ءتانتى ەتتى. ول, سۋرەتشى رەتىندە اسىرەسە, ارحات شاشتىعارين ەسىمدى جاس تالانتتىڭ سۋرەتتەرىنە زور قىزىعۋشىلىق تانىتىپ, مىناداي سۋرەتتەردى سالۋ مەنىڭ دە قولىمنان كەلمەيدى دەپ اعىنان جارىلدى. الىستان كەلگەن قوناق پوليگون ايماعىنداعى جاس تالانتتاردىڭ شى­­عارماشىلىق جۇمىستارىنا شەت­­ەلدىك قايىرىمدىلىق ۇيىمدارى­نىڭ نازارىن اۋدارۋعا تىرىسىپ باعامىن دەپ كەتتى. قىرىقتىڭ ءبىرى قىدىر دەگەن. لايىمدا سولاي بو­لىپ, تاعدىردىڭ تالكەگىنە تۇسكەن جەتكىنشەكتەرىمىزدىڭ جۇلدىزى جانىپ شىعا كەلىپ جاتسا, كانەكي! داۋلەت سەيسەن ۇلى. سەمەي.