زياتكەرلىك مەنشىك زاڭمەن قورعالادى

17 قىركۇيەكتە ادىلەت مينيسترلىگىندە زياتكەرلىك مەنشىك قۇقىقتارىن قورعاۋ جونىندەگى كوميسسيانىڭ ءبىرىنشى وتىرىسى ءوتتى. كوميسسيا ۇكىمەتتىڭ 2010 جىل­عى 9 ناۋرىزداعى №181 قاۋلىسى­مەن قۇرىلعان. كوميسسيا قىز­مەتىنىڭ ماقساتى قازاقستان رەسپۋبليكا­سىن­داعى زياتكەرلىك مەنشىك قۇقىق­تا­رىن بالامالى قورعاۋ ماسەلەلەرىن رەتتەۋ جونىندە ناقتى ءىس-قيمىل­داردى ىسكە اسىرۋ بويىنشا ۇسى­نىستار ازىرلەۋ بولىپ تابىلادى. كوميسسيانىڭ ءبىرىنشى وتىرى­سىندا كوميسسيانىڭ قۇرامى مەن ەرەجەسى, زياتكەرلىك مەنشىك سالا­سىن­داعى قۇقىق بۇزۋشىلىقتى انىق­تاۋ جانە جولىن كەسۋ ماسەلەلەرى بويىنشا ادىلەت ورگاندارى مەن قۇ­قىق قورعاۋ ورگاندارىنىڭ ءوزارا ءىس-ارەكەتى, زياتكەرلىك مەنشىك سالا­سىنداعى زاڭنامانى ساقتاۋ نىسا­نى­نا تەكسەرۋلەر ءتارتىبى, ينتەرنەت جەلىسىندە اۆتورلىق جانە ساباقتاس قۇ­قىقتاردى قورعاۋ ماسەلەلەرى قا­رالدى. ادىلەت مينيسترلىگىنىڭ, ەكونو­مي­­كالىق قىلمىسقا جانە سىبايلاس جەمقورلىققا قارسى كۇرەس اگەنت­تىگىنىڭ, ىشكى ىستەر مينيسترلىگىنىڭ وكىلدەرى ءوز باياندامالارىندا زيات­كەرلىك مەنشىك سالاسىنداعى قۇقىق بۇزۋشىلىقتى انىقتاۋ جانە جولىن كەسۋ ماسەلەلەرى بويىنشا ادىلەت ور­گاندارى مەن قۇقىق قورعاۋ ورگان­دارىنىڭ ءوزارا ءىس-ارەكەتى بويىنشا جۇمىستار جونىندە باياندادى. اعىمداعى جىلعى ءبىرىنشى جار­تى­جىلدىقتا ادىلەت ورگاندارى رەسپۋبليكا بويىنشا زياتكەرلىك مەنشىك نىساندارىن پايدالاناتىن سۋبەكتىلەرگە 315 تەكسەرىس جۇرگىزدى, ونىڭ ىشىندە 301-ءى اۆتورلىق قۇقىق تۋرالى زاڭنامانى ساقتاۋعا قاتىستى تەكسەرىلدى. تەكسەرىس ناتيجەسى بويىنشا 170 اكىمشىلىك ءىس قوزعالدى. زاڭسىز اينالىمنان جالپى سومماسى 22 ملن.-نان استام تەڭگەنى قۇرايتىن كونترافاكتىلى ءونىمنىڭ 63 مىڭنان اسا داناسى تاركىلەندى. ايىپپۇل سومماسى 2,5 ملن.-نان استام تەڭگەنى قۇرادى. اكىمشىلىك جاۋاپكەرشىلىككە 127 تۇلعا تارتىلدى. كوميسسيا جۇمىسىنىڭ بارى­سىن­دا قازاقستان رەسپۋبليكاسىندا زياتكەرلىك مەنشىك قۇقىقتارىن قورعاۋ ماسەلەلەرى تالقىلانىپ, ونى شەشۋ جولدارى قاراستىرىلدى. “ەگەمەن-اقپارات”.