جەتىم كورسەڭ جەبەي ءجۇر!
وسكەمەندە ءۇش كۇنگە سوزىلعان جەتىم بالالار مەن اتا-انالارىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارى ديرەكتورلارىنىڭ جانە بالالار قۇقىقتارىن قورعاۋ ماماندارىنىڭ قاتىسۋىمەن رەسپۋبليكالىق كەڭەس وتكىزىلدى. مۇنداي ماڭىزى بار جيىن ءجيى وتكىزىلە بەرمەيدى. ونىڭ ءۇستىنە پرەزيدەنت ن.نازارباەۆتىڭ “قازاقستان رەسپۋبليكاسىندا قۇقىق قورعاۋ قىزمەتى مەن سوت جۇيەسىنىڭ تيىمدىلىگىن ارتتىرۋ شارالارى تۋرالى” ۇستىمىزدەگى جىلدىڭ 17 تامىزداعى جارلىعىن جۇزەگە اسىرۋ بويىنشا بىرقاتار ماسەلەلەر تالقىلاندى. كەڭەس جۇمىسىن وبلىس اكىمى بەردىبەك ساپارباەۆ اشىپ, الدا تۇرعان مىندەتتەر جايلى ايتىپ بەردى. ەلباسى جارلىعىنداعى مىندەتتەردى ورىنداۋعا جاۋاپكەرشىلىكپەن قاراعان ءجون, ونىڭ ۇستىنە جەتىم بالالار پروبلەماسى بۇكىل الەمدى تولعاندىرىپ وتىر, دەدى ءوڭىر باسشىسى.
كەڭەيتىلگەن وتىرىس شەڭبەرىندە بالالاردى قورعاۋ جانە بالانى شەتەلدىك اسىراپ الۋعا قاتىستى ىنتىماقتاستىق تۋرالى كونۆەنتسيانىڭ راتيفيكاتسيالاۋى اياسىندا قورعانشىلىق جانە قامقورشىلىق ورگانداردىڭ جۇمىسىن ۇيىمداستىرۋداعى وزەكتى ماسەلەلەردى, ونىڭ ىشىندە بىرقاتار نورماتيۆتىك-قۇقىقتىق اكتىلەردى تالقىلاۋ بولدى. ەرتەڭىندە كەڭەسكە قاتىسۋشىلار ء“ۇمىت” بالالار ۇيىندە بولىپ, وندا ءتاربيەلەنىپ جاتقان جەتىم بالالارعا بارلىق جاعداي جاسالىپ وتىرعاندارىنا كوز جەتكىزدى. بالالار ءۇيىنىڭ ديرەكتورى مايرا بەيساقانوۆا ءوز جۇمىستارى جايلى بايانداپ, بالالار دەمالاتىن بولمەلەردى كورسەتتى.
سول كۇنى كەشكىلىك ء“ۇمىت” بالالار ءۇيىنىڭ تاربيەلەنۋشىلەرى قالا قوناقتارى مەن تۇرعىندارىنا ء“ۇمىت ارۋى” اتتى سالتاناتتى شوۋدى ۇسىندى. مىڭ بۇرالىپ, بيلەگەن, بىرنەشە تىلدە ءان شىرقاعان, ءوز ونەرلەرىمەن ءتانتى ەتكەن بالالار ونەرىنە جينالعاندار جوعارى باعا بەرىپ, ولارعا ءسات ساپار تىلەدى.
وڭداسىن ەلۋباي. وسكەمەن.