تاراز قالاسىنىڭ تۇرعىندارى جاقىندا ءبىر ەرەكشە كورىنىسكە كۋا بولدى. تاڭەرتەڭ جۇمىسقا بارا جاتقان كەيبىرەۋلەرى ءا دەگەندە, ءتىپتى, تولە بي داڭعىلىنىڭ جيەگىندەگى جاسىل جەلەك پەن گۇلزارعا “مال ءتۇسىپ” كەتكەن ەكەن دەپ قاۋىپتەنىپ تە قالعان. بىراق, كوپ ۇزاماي, ولاي ەمەس ەكەنىنە كوزدەرى جەتتى.
بىرنەشە جىلدان بەرى تاراز قالاسىن جاسىل جەلەك پەن گۇلگە كومكەرىپ كەلە جاتقان “جاسۇلان جانە ك” كومپانياسى قالالىقتار ءۇشىن ەندى ءتورت ت ۇلىك مالعا سۇيسىنە كوز تاستاۋ دا ارتىق ەمەس دەپ شەشكەن سىڭايلى. شىنىندا, قىر توسىنەن عانا كورۋگە بولاتىن ءتورت ت ۇلىككە قالا ىشىنەن كوز سالۋ ادامداردى اۋىر ويدان ارىلتىپ, ءبىر ساتكە كوڭىلدەرىن كوتەرۋگە سەپتىگىن تيگىزەتىنى راس. سوندىقتان كومپانيا باسشىلىعىنىڭ ۇسىنىسىنا وبلىس, قالا اكىمدەرى قارسى بولماعان.
وزدەرى ءۇشىن جاسالىپ جاتقان يگىلىكتى ىسكە رازى بولعان قالالىقتاردىڭ ۇسىنىس-پىكىرلەرى دە جوق ەمەس. ەگەر مۇمكىن بولسا, قالالىقتار ءۇشىن تاڭسىق جان-جانۋارلاردىڭ, ياعني مارال, ەلىك, كيىك, بارىس, جولبارىس, ءتىپتى كەرىك پەن ءپىلدىڭ نۇسقالارىن دا ورناتسا دۇرىس بولار ەدى, دەيدى ولار.
حالقىمىزدا “مال-جان امان با؟” دەپ امانداساتىن جاقسى ءداستۇر بار. سوندىقتان, باسشىلار باستاماسىن قوي ۇستىنە بوزتورعاي جۇمىرتقالاعان بەيبىت ەلدىڭ بۇل دا ءبىر سيمۆوليكالىق كورىنىسى دەپ قابىلداعان ابزال سياقتى.
كوسەمالى ساتتىباي ۇلى, جامبىل وبلىسى.